16.01.2026 | 16:22
Կոնֆերենցիաների լիգա․ «Նոան» իմացավ մրցակցին փլեյ-օֆֆում
Ալիևը ԵԱՀԿ գործող նախագահի հետ հանդիպմանը խոսել է Տեղի միջադեպից՝ մեղադրելով Հայաստանին
Քաղաքականություն
12.04.2023 | 13:52
Ադրբեջանի նախագահ Իլհամ Ալիևը Բաքվում ընդունել է ԵԱՀԿ գործող նախագահ, Հյուսիսային Մակեդոնիայի ԱԳ նախարար Բույար Օսմանիին, գրում են տեղական լրատվակամիջոցները։ Ալիևը հայտարարել է, որ Հայաստանի հետ խաղաղության գործընթացն ընթանում է երկու ուղղությամբ։ Այդ առնչությամբ, ըստ նրա, Ադրբեջանը հանդես է եկել Բաքվում Արցախի ներկայացուցիչների հետ ուղիղ շփումների առաջարկներով, դրա համար էլ հատուկ ներկայացուցիչ է նշանակել։ Ըստ Ալիևի՝ Արցախի հայերը հրավիրվել են «քննարկելու վերաինտեգրման ու տարբեր ենթակառուցվածքային նախագծերի հարցեր»։
Նա նաև նշել է, որ Հայաստանի և Ադրբեջանի միջև խաղաղության պայմանագրի և հարաբերությունների կարգավորման շուրջ բանակցություններն ընթանում են երկկողմանի հիմունքներով։
Անդրադառնալով նախօրեին Ադրբեջանի զինված ուժերի հերթական ագրեսիային ՀՀ սուվերեն տարածքի նկատմամբ ՝ Ալիևը, բնականաբար, ստել ու մեղադրել է Հայաստանին։ Նա նշել է, թե, իբր, «հայ-ադրբեջանական սահմանին նախօրեին տեղի ունեցածը Հայաստանի կողմից կանխամտածված սադրանք է»։ Հաղորդվում է նաև, որ հանդիպմանը կողմերը քննարկել են երկու երկրների համագործակցությանը վերաբերող հարցեր։
Էմմա Չոբանյան
