14.09.2026 | 15:51
Հաջիևը վիրավորեց հայ ազգին, իշխանությունն ասում է` չխոսենք, չսրենք. սա վախի նշան է. Գառնիկ Դավթյան․ ՏԵՍԱՆՅՈՒԹ
Տեղ գյուղում ադրբեջանական հարձակումը կյանքի գնով հետ մղած զինվորներից մեկը՝ Արթուր Սահակյանը, Գյումրիից էր
Հասարակություն
12.04.2023 | 11:11
Սյունիքի մարզի Տեղ սահմանամերձ գյուղում երեկ ադրբեջանական սադրանքի հետևանքով զոհված 4 զինծառայողներից մեկը` 23-ամյա Արթուր Սահակյանը, Գյումրիից է։ Նրա ընկերներից մեկը Factor.am-ին տեղեկացրեց, որ Արթուրը Գյումրու Ակադեմիական վարժարանն ավարտելուց հետո սովորել է Վազգեն Սարգսյանի անվան ռազմական համալսարանում, զինվորական ծառայության էր անցել «Պատիվ ունեմ» ծրագրով, սպա էր։ Նա, ըստ մեր զրուցակցի, մարզիկ էր, կարատեից ստացել էր սև գոտի։
«Բնավորությամբ ընկերասեր, ակտիվ, հասնող ու անչափ հայրենասեր էր, որի ապացույցներից մեկն էլ Վազգեն Սարգսյանի անվան համալսարան ընդունվելն ու ավարտելն էր», – պատմեց նա։ Նա ընտանիքի միակ տղան էր, ունի քույր։
Հիշեցնենք, որ երեկ Տեղ գյուղի ուղղությամբ ադրբեջանական սադրանքի հետևանքով հայկական կողմն ունի 4 զոհ, վեց վիրավոր։ Զոհերից Արթուր Սահակյանը Գյումրիից էր, Մկրտիչ Հարությունյանը՝ Թալինից, Նարեկ Սարգսյանը՝ Սևան քաղաքից, իսկ Հենրիկ Քոչարյանը՝ Վայքից։
Արմիկ Մովսիսյան
