25.11.2024 | 14:23
Ուկրաինական ԱԹՍ-ները գրոհել են Կալուգայի «Թայֆուն» ռազմարդյունաբերական գործարանը․ ՏԵՍԱՆՅՈւԹ
Ադրբեջանական կողմը ևս Տեղ գյուղի հատվածում կորուստներ ունի
Քաղաքականություն
11.04.2023 | 18:08
Ադրբեջանի ՊՆ-ն հայտնում է զինված ուժերում հայկական ուժերի վրա հարձակվելու հետևանքով սեփական կորուստների մասին։ Նշվում է ադրբեջանցի զինծառայողների մահվան ու վիրավորման մասին, սակայն կոնկրետ թիվ չի հաղորդվում։ Ադրբեջանի ՊՆ-ն, բնականաբար, սեփական սադրիչ գործողությունների ու հարձակման մեջ մեղադրել է Հայաստանին։
Ինչպես հաղորդել էինք՝ ադրբեջանական ԶՈՒ-ն այսօր ժամը 16։00-ի սահմաններում կրակ է բացել Տեղ գյուղում ինժեներական աշխատանքներ կատարող մեր ստորաբաժանումների ուղղությամբ։
«Հենց մեր հողերի մեջ են կրակել, բա տենց պիտի լինի, եկել են մեր ցորենի դաշտերը գրավել են, ուրիշ ի՞նչ պիտի լիներ։ Ասել են՝ իջե՛ք, ու իջնելու պահին սկսել են կրակել։ Որտեղ դիրքավորվել են, էդտեղից են կրակել, մերոնք էլ պատասխան գործողությունների են դիմել»,- Factor․am-ի հետ զրույցում պատմել էր Տեղ համայնքի ավագանու անդամ Մասիս Զեյնալյանը։
Հայկական կողմը, ըստ Զեյնալյանի, զոհեր ու վիրավորներ ունի։ «Մեկ զոհին ես եմ դրել շտապօգնության մեքենայի մեջ։ Այս պահին խմբավորված կանգնած են»,- մանրամասնել էր Զեյնալյանը։
Ավելի ուշ ՊՆ-ն հանդես էր եկել հաղորդագրություններով, որոնցից առաջինով հաստատել էր միջադեպի և կորուստների փաստը, իսկ երկրորդով հայտնել, որ ադրբեջանցիները շարունակում են սադրանքը՝ կիրառելով նաև ականանետ։
