14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Սաակաշվիլիի գործով հայցն ուղարկվել է ՄԻԵԴ
Քաղաքականություն
11.04.2023 | 19:10
Վրաստանի երրորդ նախագահ Միխեիլ Սաակաշվիլիի գործով հայցն ուղարկվել է Ստրասբուրգի դատարան։ Այս մասին տեղեկություն է տարածել նախկին նախագահի մայրը՝ Ջուլի Ալասանիան և Սաակաշվիլիի ազատ արձակման շտաբի պետ Գիորգի Չալաձեն, գրում է Գրուզիա օնլայնը։
«Նախագահ Սահակաշվիլիի ազատ արձակումը պահանջում է շատ բարդ գործողություններ, և այդ բոլոր գործողություններն իրականացվում են ամենաբարձր մակարդակով։ Ստրասբուրգի որոշմանը զուգահեռ այս գործողությունները կշարունակվեն այնքան ժամանակ, քանի դեռ նա ազատ չի արձակվի։
Ամենադժվարը ժամանակն է. մեր մարտահրավերը ժամանակն է, մենք պետք է հասցնենք, քանի դեռ նախագահը ողջ է»,- ասել է Չալաձեն:
Վերջինս հավելել է, որ Սաակաշվիլիի կողմնակիցները պահանջում են վերականգնել ոտնահարված իրավունքները և միջոցներ ձեռնարկել նրա կյանքը պահպանելու համար։
