Երանելի բանակցային ժառանգություն էր ստացել․ Փաշինյանը Կապանում հրապարակել է․ Մամիջանյան․ ՏԵՍԱՆՅՈՒԹ

Բանակցային գործընթացի հանրայնացման կարիքը մենք չունենք, դա արել է Նիկոլ Փաշինյանը Կապանի իր ասուլիսի ժամանակ՝ հստակ ներկայացնելով, թե այդ պահին ինչ բանակցային ժառանգություն է ստացել ինքը և իր խումբը: Այս մասին այսօր ԱԺ-ում խորհրդարանական հայտարարությունների ժամին նշեց «Պատիվ ունեմ» խմբակցության ղեկավար Հայկ Մամիջանյանը՝ արձագանքելով ՔՊ-ական Վահագն Ալեքսանյանին, ով նշել էր․ «Հանրայնացրե՛ք ձեր մասնակցած այդ բանակցային գործընթացները: Չէ՞ որ Սերժ Սարգսյանն արդեն մի էջ հրապարակել է: Մենք կաշկանդված ենք որպես իշխանություն, դուք հանրայնացրեք»:
մամիջանյանը քաղաքացիներին հորդորեց բացել, նայել այդ փաստաթղթերը և հասկանա;, թե այն ինչ «երանելի ժառանգություն» էր:

Նա նաև հիշեցրեց, որ դրանից հետո համանախագահները հայտարարություն էին տարածել՝ կոչ անելով չհրապարակել կոնֆիդենցիալ փաստաթղթերը։
«Ի թիվս հազարավար տարբերությունների՝ հենց դա է ձեր և մեր տարբերությունը, որ մենք հասկանում ենք, թե ինչը կարելի է հրապարակել, ինչը՝ ոչ: Դրանից հետո դրա մասին խոսել են ՌԴ ներկայացուցիչները՝ ասելով, որ Շուշին երբեք չի եղել բանակցային գործընթացում որպես շրջանառվող կամ քննարկվող փոխզիջում»,-ասաց Մամիջանյանը:

Ընդդիմադիր պատգամավորը մեջբերեց նաև Ալիևի խոսքերն այն մասին, որ այն ժամանակվա փաստաթղթերով Քելբաջան ու Լաչինը երբեք չէին դառնալու ադրբեջանական:

«Եկեք հիշենք, թե 2018 թվականին ինչպես է Նիկոլ Փաշինյանը պայմանավորվածության եկել Ադրբեջանի նախագահի հետ, սահմանային լարում չստեղծել, քանի որ ինքը ներքաղաքական խնդիրներ ունի: Փառք Աստծո՝ էլի հայ զինվորի կյանք է փրկվել, բայց փաստացի՝ մեզ վրա Ալիևին են բերել»,-հայտարարեց «Պատիվ ունեմ» խմբակցության ղեկավարը:  Հիշեցնեմ՝ Նիկոլ Փաշինյանի բանավոր հրամանը Սյունիքի հատվածից զորքերի հետ կանչելու մասին,  այն հակասում է նոյեմբերի 9-ի եռակողմ հայտարարությանը: Հիշեցնեմ՝ Սուս, Աղավնո բնակավայրերի հանձնումը, որը, ըստ նոյեմբերի 9-ի պայմանավորվածություն, պետք է տեղի ունենար շատ ավելի ուշ և դրա հետևանքով է, որ այսօր Ադրբեջանը հնարավորություն ունի այսօր շրջափակման մեջ դնել Արցախը»,-ասաց Մամիջանյանը:

Մանրամասները՝ տեսանյութում։