10.04.2026 | 13:56
Միջերկրական ծովից ներթափանցած ակտիվ ցիկլոնը կպահպանվի մինչև ապրիլի 13-ը ներառյալ
Մհեր Սահակյանի մոտ հայտնաբերվել է մկրատ, որի վրա եղել են արյան հետքեր․ Վարդապետյան․ ՏԵՍԱՆՅՈՒԹ
Հասարակություն
11.04.2023 | 16:13
ՀՀ գլխավոր դատախազ Աննա Վարդապետյանն Ազգային ժողովում ներկայացնում է «Հայաստան» խմբակցության պատգամավոր Մհեր Սահակյանի նկատմամբ հանրային քրեական հետապնդում հարուցելու և անձեռնմխելիությունից զրկելու միջնորդագիրը։
ԱԺ պետաիրավական հարցերի մշտական հանձնաժողովում Վլադիմիր Վարդանյանի հետ միջադեպից հետո ձերբակալված «Հայաստան» խմբակցության պատգամավոր Մհեր Սահակյանի մոտ խուզարկությամբ հայտնաբերվել է կոտրված մկրատ, որի վրա եղել են արյան հետքեր։ Այս մասին ԱԺ ամբիոնից հայտարարեց վարդապետյանը։
Դատախազի խոսքով՝ «Հայաստան» խմբակցության պատգամավորների օգնականները պատմել են, որ Մհեր Սահակյանը՝ միջադեպից հետո իրենց հետ զրուցելու ժամանակ, լարված ու նյարդային շարժումներ անելով, աշխատանքային սեղանից վերցրել է մկրատը և կոտրել է՝ վնասելով ինքն իր մատը։
Նույնաբովանդակ ցուցմունքներ են տվել «Հայաստան» խմբակցության փորձագետ Աղասի Մաթիլյանը և Արծվիկ Մինասյանի օգնական Արամ Մկրտչյանը։
Վարդապետյանը նաև հայտնեց, որ Մհեր Սահակյանի արյան մեջ թմրամիջոցի կամ հոգեմետ, հոգեներգործուն նյութերի, ինչպես նաև ալկոհոլի առկայությունը պարզելու նպատակով քրեական վարույթի ընթացքում որոշումներ են կայացվել՝ դատաքիմիական փորձաքննություն նշանակելու մասին, սակայն Մհեր Սահակյանը հրաժարվել է հետազոտման համար նմուշներ ստանալու մասին որոշման պահանջը կատարելուց և արյան նմուշներ հանձնելուց։
Մանրամասները՝ տեսանյութում։
