24.11.2024 | 17:00
Ֆրանսիայի Բրոն համայնքում Մեղրի քաղաքի պուրակ է բացվել
«Մեա կուլպա» սկզբունքը գործելու է մինչև վերջ, հիշե՛ք. Վարդանյանը՝ ՄԻՊ թեկնածուին․ ՏԵՍԱՆՅՈՒԹ
Քաղաքականություն
11.04.2023 | 14:32
ԱԺ-ում քննարկվում է «Քաղաքացիական պայմանագիր» խմբակցության կողմից առաջադրած ՄԻՊ թեկնածուի՝ Անահիտ Մանասյանի ընտրության հարցը։
Եթե գալիս է ՄԻՊ թեկնածուն և խոսում է ամեն ինչից, որը որևէ կապ չունի մարդու իրավունքների հետ և տեղի է ունենում լարում, որը չենք փորձում որևէ եղանակով նվազեցնել, դա ոչ միայն թեկնածուի խնդիրն է, այլ՝ նիստը կազմակերպողի։ Այս մասին այսօր ԱԺ իր ելույթում ասաց ՔՊ պատգամավոր Վլադիմիր Վարդանյանը՝ անդրադառնալով ապրիլի 4-ին Մարդու իրավունքների և հանրային հարցերի մշտական հանձնաժողովի արտահերթ նիստին, որտեղ քննարկվում էր նաև ընդդիմադիր խմբակցությունների միասնական թեկնածուի առաջադրման հարցը։
«Տամ հուշում՝ տվյալ պարագայում պարզապես անհրաժեշտ էր հայտարարել ընդմիջում, զրուցել պատգամավորների հետ և ասել՝ կամ այդ նիստը չի ավարտվելու և ՄԻՊ թեկնածու չի առաջադրվելու կամ նիստը պետք է շարունակվի քաղաքակիրթ եղանակով։
Մարդու իրավունքների պաշտպանության հետ որևիցե կապ չուներ թեկնածուն, վտանգավոր է նման մարդու բերել և առաջադրել ՄԻՊ պաշտոնում»,- նշեց Վարդանյանը։
«Շնորհակալություն եմ ուզում հայտնել Թագուհի Թովմասյանին այդ օրվա նիստն ավարտին հասցնելու համար, որովհետև այդ թեկնածուին առաջադրողները հանձնաժողովի նախագահին թողել էին մենակ և պատկերացնում եմ, թե ինչ ծանր էր իր համար»,- ասաց պատգամավորը։
Վարդանյանը նշեց, որ հատկապես ուզում է անդրադառնալ Էդգար Ղազարյանի վարքագծին․ «Ազատ խոսքն արժեք է, մենք պարտավոր ենք լսել ամենախիստ քննադատությունները, բայց խոսքի ազատությունն ունի սահմանափակումներ։ Նա ասում էր, որ ՄԻՊ թեկնածուի առաջադրման գործընթացն ապօրինի է, բա ինքն ինչի՞ էր մասնակցում այդ գործընթացին, եթե չէին ուզում շոու սարքեին, թող չմասնակցեին,ասեին գործընթացն ապօրինի է»։
Պատգամավորի խոսքով՝ ապրիլի 4-ին կայացած հանձնաժողովի նիստը, որպես այդպիսին՝ հաճելի չէր ու դրա ընթացքում բաց մնացին շատ հարցեր, օրինակ՝ ընդդիմության թեկնածուի մասնագիտական կարողությունների հարցը։
Վարդանյանը խոսեց ՔՊ առաջադրած թեկնածուի մասնագիտական որակների մասին․ «Անահիտ Մանասյանին ճանաչում եմ ուսանողական տարիներից, այն եզակի ուսանողներից էր, որի մասնակցությամբ սեմինարիներին անպատրաստ գնալը վտանգավոր էր, որովհետև կարող էր ցանկացած սխալի վրա քեզ բռնացնել, նա երկար և սկզբունքային ճանապարհ է անցել»։
Վարդանյանի խոսքով՝ լուրջ մոտեցում չէ Մանասային մեղադրել նրա համար, թե նախորդիվ ինչ պաշտոններ է զբաղեցրել և որ մարմիններում․ «Թաթոյան Արմանը, երբ ՄԻՊ պաշտոնում առաջադրվում էր՝ նա Արդարադատության փոխնարար էր, բայց, չգիտես ինչու, նման հարց չէր առաջանում»։
Մանրամասները՝ տեսանյութում։
«Մեա կուլպա» սկզբունքը գործելու է մինչև վերջ, հիշե՛ք»,- ասաց Վարդանյանը՝ դիմելով ՄԻՊ թեկնածուին։
Մանրամասները՝ տեսանյութում։
