25.07.2026 | 19:46
Համբուրգ․ Էլինա Ավանեսյանը պարտվեց կիսաեզրափակիչում. ՏԵՍԱՆՅՈՒԹ
Գոնե Ձեր ներկայությամբ հնչած սպառնալիքին հասցեական արձագանքեք. Թովմասյանը՝ ՄԻՊ թեկնածուին․ ՏԵՍԱՆՅՈՒԹ
Քաղաքականություն
11.04.2023 | 13:42
ԱԺ-ում քննարկվում է «Քաղաքացիական պայմանագիր» խմբակցության կողմից առաջադրած ՄԻՊ թեկնածուի՝ Անահիտ Մանասյանի ընտրության հարցը։
«Պատիվ ունեմ» խմբակցության պատգամավոր Թագուհի Թովմասյանի գնահատմամբ՝ ԱԺ մարդու իրավունքների և հանրային հարցերի հանձնաժողովի ապրիլի 4-ի նիստը պատմական խայտառակություն էր։ Այս մասին նա այսօր հայտարարեց ԱԺ-ում՝ ՄԻՊ-ի ընտրության հարցի քննարկման ժամանակ:
«Քննարկում էինք ՄԻՊ թեկնածուի հարցը, որը հենց սկզբից վերածվեց ագրեսիվ հավաքի, քանի որ ՔՊ-ի պատգամավորները, մեկը մյուսին հերթ չտալով, բղավում էին տեղից, թիրախավորում՝ սահմանափակելով ընդդիմության թեկնածուի խոսքի ազատության իրավունքը», – ասաց Թովմասյանը:
Նա դիմելով ՀՀ գլխավոր դատախազին՝ նշեց, որ նամակ է հղել նրան ու խնդրել քրեաիրավական գնահատական տալ «Քաղաքացիական պայմանագիր» խմբակցության քարտուղարի արարքներին:
Պատգամավորի խոսքով՝ Անահիտ Մանասյանը, տեսնելով հանձնաժողովի «խայտառակ նիստը», պետք է հրաժարվեր թեկնածությունից ու ասեր «չեմ շարունակի իմ աշխատանքը, քանի դեռ ապահովված չեն նորմալ պայմաններ ՄԻՊ թեկնածուի ընտրության համար»:
«Աշխատեք հասցեական գնահատական հնչեցնել, երբ ձեր ներկայությամբ տեղի է ունենում մարդու իրավունքների խախտման, սպառնալիքի հնչեցման, տարբեր մարմնամասեր կտրելու սպառնալիքներ, գոնե ձեր ներկայությամբ դեպքերին հասցեական արձագանքեք», – ընդգծեց Թովմասյանը:
Մանրամասները՝ տեսանյութում։
