20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Ամենավարկաբեկված ինստիտուտներից մեկո՞ւմ եք աշխատել․ Գեղամ Մանուկյանը մեջբերեց Փաշինյանին․ ՏԵՍԱՆՅՈՒԹ
Քաղաքականություն
11.04.2023 | 11:25
ԱԺ-ում քննարկվում է «Քաղաքացիական պայմանագիր» խմբակցության կողմից առաջադրած ՄԻՊ թեկնածուի՝ Անահիտ Մանասյանի ընտրության հարցը։
«Տիկին Մանասյան, Դուք տարիներ շարունակ աշխատել եք Սահմանադրական դատարանում։ Եղել եք ՍԴ նախագահի խորհրդական, նախագահի ավագ խորհրդական։ 2013 թվականից մինչև 2018 թվականի մարտը աշխատել եք այնտեղ։
2020 թվականին Նիկոլ Փաշինյանը իր ելույթներից մեկում հայտարարել է, որ Սահմանադրական դատարանը Հայաստանի Հանրապետությունում ամենավարկաբեկված ինստիտուտներից մեկն է։
Հիմա ես ուզում եմ նաև Ձեր մոտեցումը հասկանալ այս ամենի վերաբերյալ, արդյո՞ք Դուք աշխատել եք Հայաստանի ամենավարկաբեկված ինստիտուտներից մեկում»,- դիմելով ՄԻՊ թեկնածու Անահիտ Մանասյանին՝ այս մասին նշեց ԱԺ «Հայաստան» խմբակցության պատգամավոր Գեղամ Մանուկյանը՝
«Ես նախկինում էլ հենց ասել եմ, որ քաղաքական հայտարարություններ չեմ մեկնաբանում, հետևաբար ընդամենը կներկայացնեմ իմ տեսակետը ՍԴ-ի գործունեության առնչությամբ։
Ես՝ որպես հանրային պաշտոնյա, նաև ՍԴ-ում աշխատած անձ, էթիկապես ճիշտ չեմ համարի պետական այլ հաստատությունների վերաբերյալ որևէ տեսակետ հնչեցնելը՝ հաշվի առնելով հանգամանքը, որ ես քաղաքական գործիչ չեմ ու սիմվոլիզմին շատ մեծ դերակատարություն եմ հատկացնում։
Թե՛ ես, թե՛ իմ գործընկերները, կարծում եմ, ՍԴ-ում գործունեություն ծավալելու ժամանակ փորձել ենք մշակել այնպիսի ավանդույթների համակարգ, որը հնարավորություն կտար պատշաճ մակարդակով իրականացնել արդարադատություն»,- արձագանքեց Մանասյանը։
Մանրամասները՝ տեսանյութում։
