15.01.2025 | 17:38
ՌԴ-ին զենքերի համար տրված գումարը ուղղվելու է այլ պարտքի մարմանը. Պապիկյան․ ՏԵՍԱՆՅՈՒԹ
ՄԻՊ ինստիտուտը քաղաքականացվածությունից զերծ պահելու նպատակով անելու եմ առավելագույնը․ ՄԻՊ թեկնածու․ ՏԵՍԱՆՅՈՒԹ
Քաղաքականություն
11.04.2023 | 11:08
Ազգային ժողովում մեկնարկել է հերթական քառօրյան։ Պատգամավորներն քննարկում են ՄԻՊ թեկնածուի ընտրության հարցը։ Իշխանության ներկայացրած թեկնածուն գլխավոր դատախազի տեղակալ Անահիտ Մանասյանն է։
Մարդու իրավունքների պաշտպանության կոնցեպտի հիմքում, ըստ ՄԻՊ-ի թեկնածու Անահիտ Մանասյանի, ընկած են արժանապատվության և հանդուրժողականության գաղափարները: Այս մասին նա հայտարարեց ԱԺ ամբիոնից։
«Մարդու իրավունքների պաշտպանն ընդդիմադիր կամ քաղաքական գործիչ չէ: Ես իմ ամբողջ գործունեությունն ու այդ ընթացքում իմ կողմից տարածվող ամբողջ խոսույթը կառուցելու եմ հենց այդ գաղափարը նկատի ունենալով: Պատրաստ եմ և ձգտելու եմ դառնալ կամուրջ հանրային հանդուրժողականության և համերաշխության հասնելու ճանապարհին՝ անմասն պահելով ՄԻՊ ինստիտուտը որևէ տեսակի քաղաքական շահարկումից»,- ասաց Մանասյանը:
Իր առաջնային նպատակն այս պաշտոնում նա համարում է հանրային հանդուրժողականության մթնոլորտում մարդու արժանապատվության և մարդու իրավունքների նկատմամբ հարգանքի պատշաճ մթնոլորտի ձևավորումը:
«ՄԻՊ պաշտոնում իմ հիմնական գործիքը չեմ համարում բացառապես քննադատական հայտարարություններ անելը, թեև սա ևս շատ կարևոր գործիք է: Լայն ծավալով օգտվելու եմ միջազգային պրակտիկայում լայն տարածում ունեցող 2 այլ կարևոր գործառույթներից՝ հանրության և պետական մարմինների ու պաշտոնատար անձանց միջև հաշտարարության, ինչպես նաև կրթության միջոցով իրավունքների պաշտպանության բնագավառը կատարելագործելու գործիքներից»,- նշեց Մանասյանը:
Մանրամասները՝ տեսանյութում։
