15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Ինչպես ադրբեջանցի զինծառայողներն աննկատ հատեցին շփման գիծը․ ՊՆ-ն չի պարզաբանում․ ՏԵՍԱՆՅՈւԹ
Քաղաքականություն
10.04.2023 | 20:15
Անցած գիշեր՝ ժամը 01։00-ից 02։00-ի սահմանում Հայաստանի տարածքում ադրբեջանցի զինծառայող է հայտնաբերվել և ձերբակալվել։ Ձերբակալվածը հայտնել է, որ իր հետ եղել է ևս մի զինվոր։ Ըստ կեսօրին ՊՆ-ի տարածած հաղորդագրության՝ նրան գտնելու համար որոնողական աշխատանքները շարունակվում են։ Արդյո՞ք գտնվել է երկրորդ զինծառայողը, ինչպե՞ս է ստացվել, որ Ադրբեջանի ԶՈՒ զինծառայողները աննկատ անցել են ՀՀ տարածք․ ՊՆ մամուլի խոսնակն այս հարցերին չպատասխանեց։
Մինչ պաշտոնական հաղորդագրությունը համացանցում տեղեկություններ էին տարածվել, թե ադրբեջանցիները մտել են Սյունիքի գյուղացիներից մեկի տուն։ Սիսիան համայնքի ղեկավարի ժամանակավոր պաշտոնակատար Արմեն Հակոբջանյանը Factor.am-ի հետ զրույցում չցանկացավ հայտնել, թե որ տարածքներ են մտել ադրբեջանցի զինծառայողները, միայն ասաց, որ ձերբակալված զինծառայողին հայտնաբերել են Աշոտավան գյուղում․ նա եղել է քաղաքացիական հագուստով։ Գյուղը սահմանին այդքան էլ մոտ չէ․ ինչպես է ստացվել, որ ադրբեջանցի զինծառայողները հայտնվել են տարածքում։ Քաղաքագետ Սարո Սարոյանի կարծիքով` զինծառայողները կարող են մոլորված չլինել։
Սարոյանը նաև ասում է՝ եթե պարզ դառնա, որ ադրբեջանցի զինծառայողները Նախիջևանի շփման գիծն անցնելով են մուտք գործել Հայաստանի տարածք, ապա դա կփաստի սահմանային անվտանգության բարվոք վիճակում չգտնվելու մասին։ Ըստ քաղաքագետի՝ պետք է մտածել ձերբակալվածին գերիների հետ փոխանակելու մասին։
Ավելի վաղ Ադրբեջանի ՊՆ-ն հաղորդել էր, որ Նախիջևանի Ինքնավար Հանրապետությունում ադրբեջանական բանակի զինծառայողներ են անհետացել։ Ըստ հաղորդագրության՝ բանակի երկու զինծառայողներ մոլորվել են ոչ բարենպաստ եղանակային պայմանների պատճառով Շահբուզի շրջանի ուղղությամբ։
Meydan TV-ի լրագրողը սոցիալական ցանցերի իր էջերում գրել է, որ ադրբեջանցի զինծառայողները «իրականում կորած են արդեն 5 օր»։ Նա նաև հրապարակել է անհետացած զինծառայողների լուսանկարները։
Մանրամասները՝ տեսանյութում։
Անի Թամրազյան
