21.12.2025 | 22:02
Ֆուտզալի Հայաստանի հավաքականը հաղթեց Մոլդովային
ԱՄՆ-ն լուրջ առաջարկ է ՀՀ-ին արել. ընդունե՛ք, չասե՛ք խաբեցին, գնացին. Դավիթ Ստեփանյան․ ՏԵՍԱՆՅՈւԹ
Քաղաքականություն
10.04.2023 | 21:02
Միջազգային և անվտանգության հարցերի հայկական ինստիտուտի ասոցացված փորձագետ Դավիթ Ստեփանյանը Factor TV-ի հետ հարցազրույցում ասում է, որ Հայաստանի իշխանությունը իրավունք չունի պետությունը պահել ռուսական անվտանգային համակարգերում, որոնք արդեն ցույց են տվել իրենց անգործունակությունը՝ Ադրբեջանի հարձակումների ժամանակ։ Փորձագետը համոզված է, որ և՛ ԱՄՆ-ն, և՛ Մեծ Բրիտանիան Հայաստանին լուրջ առաջարկներ են արել խորքային գործակցության, երբ այդ պետությունների հատուկ ծառայությունների ղեկավարները Երևան էին ժամանել։ Ըստ Դավիթ Ստեփանյանի՝ Հայաստանը լրջորեն կվտանգի իր սուվերենությունը, եթե հրաժարվի արևմուտքի առաջարկներից։ Այդ պարագայում նա կանխատեսում է, որ Հայաստանը կմնա Ադրբեջանի, Թուրքիայի, Ռուսաստանի դեմ միայնակ։ Քաղաքական վերլուծաբանը նշում է, որ Հայաստանում մշտապես առկա է ահաբեկչական վտանգ՝ հարկադրելու իշխանություններին չդիմադրել արտաքին ճնշումներին և սպառնալիքներին։ Դավիթ Ստեփանյանն ավելի վտանգավոր է համարում այդ վտանգներին տրվելը և ճգնաժամային իրավիճակից դուրս չգալը, քան իր բնորոշմամբ՝ հիբրիդային պատերազմի մեթոդներից վախենալով՝ քայլեր չձեռնարկելը։ Հարցազրույցն ամբողջությամբ՝ տեսանյութում։
Ռոբերտ Անանյան
