06.06.2026 | 19:42
«10 հոգի գալում ենք միտինգի». նոր գաղտնալսում ընտրակաշառքի գործով
Ադրբեջանում հերթական ձերբակալությունն է տեղի ունեցել Իրանի օգտին լրտեսության կասկածանքով
Քաղաքականություն
10.04.2023 | 20:28
Ադրբեջանում շարունակվում են կրոնական ակտիվիստների ու գործիչների ձերբակալությունները։ «Մահմեդական միասնություն» շարժման անդամ Թարլան Սեիդովին ձերբակալել են այսօր կեսօրին Բաքվի փողոցներից մեկում, գրում են տեղական լրատվամիջոցները։ Սեիդովին իջեցրել են անձնական մեքենայից, որում եղել են նաև նրա ընտանիքի անդամները։ Երեխաների լացի ուղեկցությամբ քաղաքացիական հագուստով անձինք նրան տարել են առանց բացատրության։
Կրոնական ակտիվիստի կինը տեսանկարահանել է ամուսնու ձերբակալումը։ Վերջին օրերին Ադրբեջանում տասնյակ կրոնական ակտիվիստներ ու հավատացյալներ են ձերբակալվել։ Որոշ տվյալներով ձերբակալվածների թիվը շուրջ 400 է։ Իշխանամետ ու քարոզչական լրատվամիջոցներում այս ձերբակալությունները ներկայացվում են որպես «Իրանի լրտեսական ցանցի» բացահայտում։
Էմմա Չոբանյան
