28.10.2026 | 23:23
Քննարկվել են Լուվրի և Հայաստանի պատմության թանգարանի միջև համագործակցության հեռանկարները
Տունն առանց պայմանագրի վարձակալության տալու դեպքում տանտերը կարող է տուգանվել․ ՊԵԿ-ը նախագիծ է ներկայացրել
Տնտեսություն
10.04.2023 | 18:00
Պետական եկամուտների կոմիտեն ներկայացրել է նախագիծ, որի ընդունման դեպքում անշարժ գույքը առանց պայմանագրի վարձակալության տալու դեպքում տանտերը կարող է տուգանվել։ Այս մասին Factor.am-ը տեղեկանում է իրավական նախագծերի հրապարակման միասնական հարթակից։
«Հայաստանի Հանրապետության հարկային օրենսգրքում փոփոխություններ և լրացումներ կատարելու մասին» ՀՀ օրենքի նախագծով սահմանվում է, որ գույքը վարձակալության կամ անհատույց օգտագործման հանձնելը չի համարվում ձեռնարկատիրական գործունեություն, եթե գրանցված է սահմանված կարգով։ Իսկ համապատասխան գրանցում չլինելու դեպքում սահմանվում է պատասխանատվության միջոց՝ տուգանք։
Այսպիսով՝ օրենսգրքի 407-րդ հոդվածում՝ կկատարվի հետևյալ լրացումը․ գույքի վարձակալության կամ անհատույց օգտագործման պայմանագրի կնքումից ծագող իրավունքների՝ Կառավարության սահմանած կարգով չգրանցման հայտնաբերման դեպքում գանձվում է տուգանք՝ գույքի շուկայական արժեքին մոտարկված կադաստրային արժեքի 5 տոկոսի չափով։
Նշենք, որ նախագիծը դեռ պետք է ներկայացվի Կառավարության քննարկմանը, այնուհետև Ազգային ժողովին։ Е-draft-կայքում նախագծին քվեարկածների ճնշող մեծամասնությունը դեմ է արտահայտվել դրան։
