14.12.2025 | 16:37
Ֆիշինգը թիվ 1 կիբեռսպառնալիքն է այսօր․ Մխիթար Հայարապետյան
Ալիևը հայտարարել է, թե Հայաստանի հետ խաղաղության պայմանագրի շուրջ աշխատանքն այնքան էլ հարթ չի ընթանում
Քաղաքականություն
10.04.2023 | 17:48
Հայաստանի հետ խաղաղության պայմանագրի շուրջ աշխատանքն այնքան էլ հարթ չի ընթանում, սակայն Ադրբեջանը նպատակ ունի կարգավորել հարաբերությունները Երևանի հետ։ Այս մասին հայտարարել է Ադրբեջանի նախագահ Իլհամ Ալիևը Ղազախստանում ճեպազրույցի ժամանակ։
«Ես տեղեկացրել եմ իմ ղազախստանցի գործընկերոջը բանակցային գործընթացի ներկա կարգավիճակի մասին։ Մենք հաստատակամ ենք հարաբերությունները կարգավորելու հարցում: Հենց Ադրբեջանն է առաջարկել սկսել աշխատանքը խաղաղության պայմանագրի վրա, որը գործնականում սկսվել է, բայց այնքան հարթ չի ընթանում, որքան մենք կցանկանայինք»,-ասել է Ալիևը՝ հավելելով, որ «դրան,սակայն, այլընտրանք չկա»։
«Մենք նայում ենք ապագային և հավատում ենք, որ ինքնիշխանության, տարածքային ամբողջականության, ՄԱԿ-ի կանոնադրության սահմանների անձեռնմխելիության, միջազգային իրավունքի բոլոր հիմնարար նորմերի և սկզբունքների հիման վրա հնարավոր է հասնել խաղաղության պայմանագրի`շրջելով բազմամյա թշնամության էջը»,-ասել է Ալիևը։
Հավելենք, որ Բաքուն տարբեր առիթներով բազմիցս է հայտարարել է, որ Հայաստանի հետ խաղաղության պայմանանագրի կնքումը հնարավոր է բացառապես Ադրբեջանի առաջարկած պայմանների հիման վրա։
Էմմա Չոբանյան
