16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Մեսչյանից հետո Երևանն աբսուրդ վիճակում է. չունենք ճարտարապետ, բոյկոտել է պետք
10.04.2023 | 17:07
«Աբսուրդ է այն, որ Երևանը չունի գլխավոր ճարտարապետ: Կողմնակից եմ, որ մայրաքաղաքը ղեկավարվի ճարտարապետների` 5-7 հոգուց բաղկացած խմբի կողմից. ինձ համար անթույլատրելի է նաև այն, որ մեկ անհատը` գլխավոր ճարտարապետն է որոշումներ կայացնում: Իսկ այսօր Երևանն անտեր վիճակում է»,-նման տեսակետ է հայտնում «Հին Երևան» նախագծի հեղինակ և ճարտարապետ Լևոն Վարդանյանը:
Նրա համոզմամբ` Երևանի ճարտարապետությանն առնչվող ցանկացած հարց պետք է քննարկվի ճարտարապետների խորհրդի կողմից, և դրական եզրակացությունից հետո միայն կյանքի կոչվի. «Այլապես գալիս են քաղաքապետներ, որոնք, հասկանալի է, վարչական գործիչներ են, մասնագիտությամբ, օրինակ` ֆինանսիստ, և հանկարծակի սկսում են քաղաքաշինական հարցերով զբաղվել այն էլ` Երևանի պես միլիոնանոց բնակչությամբ քաղաքում: Վերջին տարիներին` Արթուր Մեսչյանից հետո, Երևանն աբսուրդ, անտեր վիճակում է, սա բողոքելու, բոյկոտելու լուրջ առիթ է»:
Ճարտարապետի խոսքով` Լոնդոնից մինչև Միլան ճարտարապետական հարցերը մասնագիտական լուրջ օղակի կողմից են որոշվում. «Քաղաքն ապրող օրգանիզմ է, այն չի կարող առանց մասնագիտական կարծիքի գոյատևել»:
Աննա Բաբաջանյան
