15.12.2024 | 15:19
Հայաստանում սպասվում է փոփոխական եղանակ, լեռնային շրջաններում՝ ձյուն և բուք
Կյանքից հեռացել է «Ավրորա» մրցանակի Ընտրող հանձնաժողովի պատվավոր համանախագահ Բենջամին Ֆերենցը
Հասարակություն
10.04.2023 | 15:19
«Ավրորա» մարդասիրական նախաձեռնությունը սգում է խաղաղության հայտնի ակտիվիստ եւ իրավապաշտպան Բենջամին Ֆերենցի մահը, որն «Ավրորա» մրցանակի Ընտրող հանձնաժողովին էր միացել 2019 թվականին՝ որպես պատվավոր համանախագահ: Ռումինական ծագումով ամերիկացի հայտնի իրավաբանը, որը երկար տարիներ պայքարել էր միջազգային իրավունքի գերակայության հաստատման համար, դարձավ նաեւ «Ավրորա» մրցանակի դեսպանն աշխարհում, ու նրա բացակայությունը խիստ նկատելի կլինի «Ավրորայի» համայնքում․ տեղեկացնում են «Ավրորա» մարդասիրական նախաձեռնությունից։
Նա վերջինն էր Երկրորդ համաշխարհային պատերազմի ժամանակ նացիստների իրագործած հանցագործությունները քննողներից, որը Նյուրնբերգյան դատավարության ընթացքում հանդես էր գալիս որպես ԱՄՆ զինված ուժերը ներկայացնող գլխավոր դատախազ: Բենջամին Ֆերենցն իր ամբողջ կյանքը նվիրեց մարդու իրավունքների եւ համընդհանուր խաղաղության համար պայքարին՝ միջազգային իրավունքի գերակայության հաստատումը դարձնելով իր առաքելությունը:
Իր ողջ գործունեության ընթացքում նա պաշտպանել է մարդկային արժանապատվությունն ու մարդկայնությունն՝ ընդդեմ հալածանքների եւ ցեղասպանության: Մարդկության դեմ հանցագործության զոհերի համար արդարություն հաստատելու նրա համառ ջանքերը հավերժ կմնան մարդկության հիշողության մեջ: Նաեւ նրա շնորհիվ է աշխարհը բարեփոխվել, ու նրա բացակայությունը կզգան ամենուրեք, բայց Բենջամին Ֆերենցի հիշատակն ու ժառանգությունը վառ կմնա հավետ:
«Ավրորա» մարդասիրական նախաձեռնությունն իր խորին ցավակցությունն է հայտնում Բենջամին Ֆերենցի ընտանիքին:
