08.10.2026 | 12:17
Աշխարհի ու Եվրոպայի չեմպիոն Դավիդ Սիլվան 40 տարեկանում վերսկսել է կարիերան
Իրանում ցանկանում են տեսախցիկների միջոցով հայտնաբերել առանց հիջաբի կանանց
Քաղաքականություն
09.04.2023 | 12:33
Իրանի իշխանությունները խստացրել են հիջաբ կրելուց հրաժարվող կանանց նկատմամբ ճնշումները: Տեղի ոստիկանությունը սկսել է «խելացի տեսախցիկներ» տեղադրել հասարակական վայրերում, շաբաթ օրը՝ ապրիլի 8-ին, հայտնել է Reuters-ը։
Գործակալության տվյալներով՝ նման սարքերը իրանական ոստիկանությանը թույլ կտան բացահայտել առանց հիջաբի կանանց։ Դրանից հետո «խախտողները» կստանան «նախազգուշական տեքստային հաղորդագրություններ հետևանքների մասին»,- հաղորդում է DW-ն։ Այս գործողություններն ուղղված են՝ «կանխելու հիջաբի օրենքին դիմադրությունը», հայտնում է իրանական «Միզան» դատական գործակալությունը:
Իրանում բռնկված բողոքի ակցիաների ֆոնին ավելացել են հիջաբ կրելուց հրաժարվող կանանց դեպքերը 22-ամյա Մահսա Ամինիի մահից հետո, ով նախկինում ձերբակալվել էր ոստիկանության կողմից՝ հիջաբը «սխալ» կրելու համար։
Ռուսաստանը կարող է օգնել Իրանին ստեղծել դեմքի ճանաչման համակարգ
Իրանի իշխանությունները Ռուսաստանից, ի թիվս այլ բաների, ստանում են կիբերտեխնոլոգիաների ոլորտում մշակումներ՝ անօդաչու թռչող սարքերի դիմաց, որոնք Իսլամական Հանրապետությունը մատակարարում է Ռուսաստանին՝ Ուկրաինայի դեմ պատերազմի ժամանակ դրանց օգտագործման համար, գրել է ամերիկյան The Wall Street Journal-ը՝ վկայակոչելով իրավիճակին ծանոթ մարդկանց։
Պարբերականի տվյալներով ՝ այդ մշակումների թվում են գաղտնալսող և լուսանկարչական սարքերը, գաջեթները կոտրելու ծրագրերը և ինտերնետ-գրաքննության համար նախատեսված միջոցները:
