26.11.2024 | 11:39
Ֆինանսների նախարարի՝ ենթադրյալ կոռուպցիոն ռիսկեր պարունակող գործողությունների թեմայով ասուլիս. ՈՒՂԻՂ
Ադրբեջանի և Իրանի արտգործնախարարները քննարկել են երկու երկրների միջև առկա դժգոհությունները
Քաղաքականություն
09.04.2023 | 11:41
Ադրբեջանի արտգործնախարար Ջեյհուն Բայրամովը հեռախոսազրույց է ունեցել Իրանի ԱԳ նախարար Հոսեյն Ամիր Աբդուլահիանի հետ:
Ինչպես տեղեկացնում են ադրբեջանական լրատվամիջոցները՝ հեռախոսազրույցի ընթացքում մանրամասն քննարկվել են երկու երկրների միջև առկա դժգոհություններն ու թյուրըմբռնումները: Ընդգծվել է թյուրիմացությունները վերացնելու համար բանակցությունների շարունակման կարևորությունը։
«Պայմանավորվածություն է ձեռք բերվել Ադրբեջանի և Իրանի միջև առկա նախագծերի իրականացման վերաբերյալ։
Ջեյհուն Բայրամովն ընդգծել է Ադրբեջանի ազգային շահերին համապատասխան վարվող անկախ արտաքին քաղաքականության և տարածաշրջանի երկրների հետ երկկողմ հարաբերությունների նկատմամբ հարգանքի կարևորությունը»,- ասված է հաղորդագրության մեջ:
Նախարարները կարևորել են փոխադարձ շփումների շարունակականությունը։
