17.05.2026 | 10:37
UFC. Հայտնի է Քոնոր Մաքգրեգորի հաջորդ մրցակիցն ու մենամարտի օրը
«Ադրբեջանը Վրաստանի ուժեղ ռազմավարական գործընկերն է»․ Ղարիբաշվիլին՝ Ալիևին
Քաղաքականություն
07.04.2023 | 19:37
Վրաստանի վարչապետ Իրակլի Ղարիբաշվիլին Գաբալայում Ադրբեջանի նախագահ Իլհամ Ալիևի հետ հանդիպումից հետո կայացած համատեղ ասուլիսում հայտարարել է, որ Բաքուն Թբիլիսիի ռազմավարական գործընկերն է, գրում է Վրաստանի Առաջին ալիքը։
«Ադրբեջանը ոչ միայն մեր ընկերն ու հարևանն է, այլև շատ ուժեղ ռազմավարական և առևտրային գործընկեր»,- ասել է Ղարիբաշվիլին։
Նա նշել է, որ երկար տարիներ Վրաստանն Ադրբեջանի հետ միասին իրականացրել է պատմական նշանակություն ունեցող նախագծեր։
«Ուզում եմ ևս մեկ անգամ նշել, թե որքան կարևոր է բարեկամությունն ու եղբայրությունը Ձեզ հետ, Ադրբեջանի հետ, ադրբեջանական ժողովրդի հետ, մենք դարավոր բարեկամություն ունենք։ Մենք ունենք շատ ամուր գործընկերություն»,- ասել է Վրաստանի վարչապետը։
Նա հավելել է, որ Թբիլիսին հուսալի գործընկեր է կարևոր նախագծերի համար։
«Ինչպես նշեց պարոն նախագահը՝ մենք աշխատում ենք, կանգ չենք առնում, աշխատում ենք նոր նախաձեռնությունների վրա, ինչպիսին է Սևծովյան էլեկտրական մալուխը, որպեսզի զարգացնենք, այսպես կոչված, «կանաչ միջանցքը»։ Վրաստանն ու Ադրբեջանն ունեն մեծ ներուժ Եվրոպային կանաչ, վերականգնվող էներգիա մատարարելու համար, ինչը շատ կարևոր է, դա ապագան է։ Այս ուղղությամբ երկու երկրներն էլ պետք է ավելի շատ ներդրումներ կատարեն, և մենք խոսել ենք այս հարցերի մասին»,- ասել է Ղարիբաշվիլին։
Էմմա Չոբանյան
