25.11.2024 | 13:36
Ռումինիայի նախագահական ընտրությունների առաջին փուլում առաջատար է ՆԱՏՕ-ին և Ուկրաինային օգնությունը քննադատած Քելին Ջորջեսկուն
Չավուշօղլուն հայտնել է, որ Լավրովի հետ քննարկել են Հայաստան-Ադրբեջան, Թուրքիա-Հայաստան հարաբերությունների կարգավորումը
Քաղաքականություն
07.04.2023 | 14:33
Թուրքիայի ԱԳ նախարար Մևլութ Չավուշօղլուն ռուսաստանցի գործընկերոջ՝ Սերգեյ Լավրովի հետ հանդիպումից հետո համատեղ ասուլիսում հայտարարել է, որ կողմերը քննարկել են նաև Հարավային Կովկասում զարգացումները։
«Մենք քննարկել ենք նաև Հարավային Կովկասի հարցերը, հատկապես՝ Հայաստանի և Ադրբեջանի, ինչպես նաև Թուրքիայի և Հայաստանի միջև հարաբերությունների կարգավորման գործընթացը։ Ռուսաստանն այս առումով ևս իր ներդրումն ունի»,-ասել է Չավուշօղլուն։
Նա նշել է, որ Անկարայի ցանկությունը Բաքվի ու Երևանի միջև խաղաղության համաձայնագրի կնքումն է։
«Մեր ցանկությունն է, որ Հայաստանի և Ադրբեջանի միջև խաղաղության մասշտաբային համաձայնագիր կնքվի, որ Հարավային Կովկասում լինի կայուն խաղաղություն։ Անհրաժեշտ է քայլեր ձեռնարկել, և այդ առումով մենք ՌԴ-ի հետ գտնվելու ենք սերտ շփման մեջ»,- հայտարարել է Թուրքիայի ԱԳ նախարարը։
Էմմա Չոբանյան
