16.05.2026 | 21:37
Փաշինյանը ներկայացրել է վարորդական իրավունքից զրկված անձանց խնդրի լուծման իր տարբերակը
Ողջունում ենք Հայաստանի և Թուրքիայի հարաբերությունների կարգավորման գործընթացը․ Լավրովը՝ Չավուշօղլուին
Քաղաքականություն
07.04.2023 | 13:46
Անկարայում Թուրքիայի ԱԳ նախարար Մևլութ Չավուշօղլուի հետ տեղի ունեցած բանակցություններից հետո համատեղ մամուլի ասուլիսում ՌԴ ԱԳ նախարար Սերգեյ Լավրովը հայտարարել է, որ կողմերը քննարկել են ինչպես երկկողմ, այնպես էլ միջազգային օրակարգի մի շարք հարցեր։ Նա հայտնել է, որ քննարկվել է նաև իրավիճակը Հարավային Կովկասում։
«Միջազգային օրակարգից քննարկել ենք իրավիճակը Մեձավոր Արևելքում, Հյուսիսային Աֆրիկայում, Հարավային Կովկասում, Կենտրոնական Ասիայում, Սևծովյան տարածաշրջանում։ Մեծ ուշադրություն է դարձվել թուրք-սիրիական հարաբերությունների կարգավորման գործընթացին։ Այն սկսվել է ռուսական կողմի միջնորդությամբ»,- ասել է Լավրովը ՝նշելով, որ Լիբիայի և Պաղեստինի հարցը ևս մանրամասն քննարկվել է։
ՌԴ ԱԳ նախարարն ասել է, որ Մոսկվան հանդես է գալիս Հարավային Կովկասի տարածաշրջանի երկրների համագործակցության օգտին։
«Մենք ողջունում ենք նաև մեր աջակցությամբ սկսված Հայաստանի և Թուրքիայի հարաբերությունների կարգավորման գործըթնացը, տրանսպորտային ու հաղորդակցման ուղիների ապաշրջափակմանն ուղղված ջանքերը, Հարավային Կովկասի հետկոնֆլիտային վերականգնումը»,- նշել է Լավրովը։
Նրա խոսքով՝ գործընթացները կարգավորվում են Հայաստանի, Ադրբեջանի և ՌԴ նախագահների եռակողմ հայտարարությունների շրջանակում։
ՌԴ ԱԳ նախարարը նշել է, թե Մոսկվան հուսով է, որ «ոչ տարածաշրջանային երկրները չեն խանգարի այդ գործընթացին»։
Էմմա Չոբանյան
