24.11.2024 | 18:04
Թբիլիսիում կանայք երթ են անցկացնում․ պահանջում են Բիձինա Իվանիշվիլիի հրաժարականը
Քաո՛ս եք ստեղծում․ թշնամին գրավեց ՀՀ տարածքը, ծեծեցի՛ք իրար, թքեցի՛ք. գոնե՝ ճգնաժամը լուծենք միասին․ Դավիթ Սանասարյան. ՏԵՍԱՆՅՈՒԹ
Քաղաքականություն
06.04.2023 | 21:32
Ինչպե՞ս գնահատել ՀՀ իշխանության կողմից այս պահին վարվող արտաքին քաղաքականությունը։ Նիկոլ Փաշինյանը մասնակցում է ԱՄՆ-ի կազմակերպած «Հանուն ժողովրդավարության» գագաթնաժողովին և վերապահումով ընդունում համաժողովի Հռչակագրի՝ Ուկրաինայի պատերազմը դատապարտող հատվածը՝ պատճառաբանելով, թե ԼՂ-ի մասին չի ներառվել։ Կամ՝ Փաշինյանը սկսում է Հռոմի ստատուտի վավերացման պրոցես, սակայն երբ հայտնի է դառնում Պուտինին միջազգային ձերբակալման օրդերի մասին, Ալեն Սիմոնյանն ասում է՝ արագ վավերացնելու անհրաժեշտություն չկա․ «Դա ոչ դրական քայլ է ՌԴ-ի նկատմամբ, որի իմաստն ու ՕԳԳ-ն ես չեմ հասկանում։ ՀՀ-ն այս հարցում չպետք է պիոներ լինի, նման քայլ անելը ես ճիշտ չեմ համարում»։
Փաշինյանն ասում էր՝ «ՀԱՊԿ-ը դուրս է գալիս ՀՀ-ից», ՌԴ ԱԳ փոխնախարարն ասաց՝ ակնկալում են, որ «ով որտեղից է դուրս գալիս» թեմայով վնասակար քննարկումները կդադարեն։
«Ինքնիշխան Հայաստան» կուսակցության ղեկավար Դավիթ Սանասարյանը Factor TV-ին տված հարցազրույցում ասում է, որ ՀՀ իշխանությունը ՌԴ-ից վախվորած քաղաքականություն է վարում, ինչը վտանգավոր է։
«Ինչո՞ւ ստատուտի թեման բացեցիք, եթե չէիք վավերացնելու, որ առևտո՞ւր անեք ՌԴ-ի հետ։ Վախվորածությունը վտանգավոր է ՀՀ-ի համար։ Չեմ ասում՝ մի օր ՀԱՊԿ-ից դուրս գանք, էն մյուս օրը՝ ԵՏՄ-ից, հաջորդ օրը՝ Պուտինին ձերբակալենք։ Պուտինի պես հանցագործը պիտի՛ ձերբակալվի, բայց ՀՀ-ն չի կարող նման ծանրություն վերցնել։ Ես չեմ առաջարկում դա, բայց իշխանության վախվորածությունը վերջ տվեք։ ՀՀ-ն պետք է հաշվարված, պայմանավորված քաղաքականություն վարի»,- ասաց Դավիթ Սանասարյանը։
Հարցազրույցն ամբողջությամբ՝ տեսանյութում։
Ռոբերտ Անանյան
