08.10.2026 | 12:17
Աշխարհի ու Եվրոպայի չեմպիոն Դավիդ Սիլվան 40 տարեկանում վերսկել է կարիերան
Թուրքիայի գլխավոր ընդդիմադիր կուսակցության գրասենյակը զինված հարձակման թիրախ է դարձել
Քաղաքականություն
06.04.2023 | 21:23
Թուրքիայում ընտրություններին ընդառաջ շարունակվում են հարձակումները ընդդիմադիր կուսակցությունների գրասենյակների վրա։ Մասնավորապես, Թուրքիայի գլխավոր ընդդիմադիր Ժողովրդահանրապետական կուսակցության (CHP) Ստամբուլի նահանգային կառույցի նախագահ Ջանան Քաֆթանջըօղլուն հայտնել է, որ կուսակցության Ստամբուլի գրասենյակը Սարիյեր շրջանում ենթարկվել է զինված հարձակման, գրում է Duvar-ը։
Նա ասել է, որ անհայտ անձը 6-7 փամփուշտ է արձակել CHP Ստամբուլի գրասենյակի ուղղությամբ։ Դեպքի վայրում դատարկ պարկուճներ են հայտնաբերվել։
Թվիթերյան գրառմամբ Քաֆթանջօղղլուն հայտնել է, որ զինված հարձակումը տեղի է ունեցել տեղական ժամանակով առավոտյան 5:00-ի սահմաններում։ Շենքում հերթապահություն իրականացնող ոստիկանի, նաև մասնավոր անվտանգության ծառայության աշխատակիցների ցուցմունքների համաձայն՝ արձակվել է 6-7 փամփուշտ:
Ստամբուլի նահանգապետարանը հարձակման առնչությամբ հայտարարություն է տարածել՝ նշելով, որ ըստ տեսախցիկների ձայնագրությունների՝ մեքենայում գտնվող հարձակվողներն օդ են կրակել։
Հավելենք, որ մարտի 31-ին էլ զինված հարձակման էր ենթարվել մեկ այլ ընդդիմադիր՝ IYI կուսակցության Ստամբուլի գրասենյակը։
Էմմա Չոբանյան
