16.05.2026 | 21:37
Փաշինյանը ներկայացրել է վարորդական իրավունքից զրկված անձանց խնդրի լուծման իր տարբերակը
Նախիջևանում հրամանատարաշտաբային զորավարժություններ են անցկացվել․ ԼՈՒՍԱՆԿԱՐՆԵՐ
Քաղաքականություն
06.04.2023 | 16:23
Նախիջևանի առանձին համազորային բանակի 2023 ուսումնական տարվա պատրաստության պլանի համաձայն՝ հրամանատարաշտաբային վարժանքներ են անցկացվել կազմավորումների և ստորաբաժանումների հետ միասին, գրում են ադրբեջանական լրատվամիջոցները։
Նշվում է, որ ստորաբաժանումներն ու միավորումները մարտական տագնապով առաջ են շարժվել ռազմական նշանակության շրջաններ, մշակվել են գործողություններ՝ նրանց մարտական պատրաստության տարբեր մակարդակների բերելու ուղղությամբ։
Հիմնական ուշադրությունը կենտրոնացվել է տարածքի կազմավորումների, մասերի և ստորաբաժանումների քողարկման, պաշտպանության վրա, հատկապես՝ հակառակորդի անօդաչու թռչող սարքերի դեմ հակագործողությունների իրականացմանը։
Զորավարժությունների ընթացքում հակաօդային պաշտպանության ստորաբաժանումները գործողություններ են մշակել պայմանական հակառակորդի ինքնաթիռների հայտնաբերման և հետախուզման ուղղությամբ։ Վարժանքների սցենարով մարտավարական գործողությունների գործնական իրականացման փուլում հատուկ նշանակության ջոկատները գրոհել են հակառակորդի պաշտպանության առաջնագծում տեղակայված մարտական դիրքերը և կարևոր օբյեկտները։
Հավելենք, որ օրերս Ադրբեջանի Մեջլիսի պատգամավոր Սիյավուշ Նովրուզովը հայտարարել էր, որ Իրանը զորքեր է կուտակել Նախիջևանի հետ սահմանին։
Էմմա Չոբանյան
