26.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Ամուսնալուծությունները 40 %-ով ավելացել են․ Արմեն Մուրադյան․ ՏԵՍԱՆՅՈՒԹ
Հասարակություն
06.04.2023 | 15:07
Մեկնարկել է «Հայաստանում ժողովրդագրական իրավիճակի բարելավման առողջապահական ասպեկտները» թեմայով կոնֆերանսը:
Միջին վիճակագրական տվյալներով 1992թ․ Հայաստանում տղամարդիկ ամուսնանում էին 25 տարեկանում, իսկ այժմ՝ 30 տարի անց՝ 31 տարեկանում, աղջիկներն ամուսնանում էին 22 տարեկանում, այժմ՝ 28 տարեկանում։ Այս մասին կոնֆերանսի ժամանակ հայտնեց ԵՊԲՀ ռեկտոր, առողջապահության նախկին նախարար Արմեն Մուրադյանը՝ ընդգծելով, որ այս ցուցանիշները մտահոգիչ են, քանի որ ժողովրդագրական ցուցանիշների բարելավումը ազգային անվտանգության խնդիր է։
Մուրադյանի խոսքով՝ եթե այս ցուցանիշներն ավելի վատթարանան, և ամուսնության միջին տարիքը դառնա 35-ը, ապա առողջապահական լրջագույն ներդրումներ կպահանջվեն։
Մուրադյանը նաև հավելեց, որ ամուսնությունների թիվը վերջին 10 տարվա ընթացքում 13 տոկոսով նվազել է, իսկ ամուսնալուծությունները 40 տոկոսով ավելացել են։
Նրա դիտարկմամբ՝ սոցիոլոգներն ու հոգեբաններն այս ցուցանիշների հետ կապված վերլուծություններ պետք է անեն՝ կապված թե՛ դեպրեսիաների, թե՛ մակերեսային մոտեցումների հետ, որոնք թույլ չեն տալիս ամուր ընտանիքներ ստեղծել։
«ժողովրդագրական ցուցանիշների հետ կապված մեզ մտահոգող թիվն այն է, որ ամուսնալուծվածների 85 տոկոսը երեխաներ չունեն»,- նշեց Մուրադյանը։ Նա նաև անդրադարձավ անպտղության խնդրին։
Մանրամասները՝ տեսանյութում։
