14.12.2024 | 15:01
Բետիսն առաջընթաց է Թիկնիզյանի համար․ Գուրենկո
Լիբանանահայ ռազմագերի Վիգեն Էուլջեքյանը ողջ է. ԿԽՄԿ-ն տեսակցել է նրան
Հասարակություն
05.04.2023 | 19:44
Կարմիր խաչի միջազգային կոմիտեի ներկայացուցիչներն ապրիլի 3-ին տեսակցել են 44-օրյա պատերազմից հետո գերեվարված, ապա՝ Ադրբեջանում 20 տարվա ազատազրկման դատապարտված լիբանանահայ Վիգեն Էուլջեքյանին։ Այս մասին Factor.am-ին տեղեկացրեց ԿԽՄԿ հայաստանյան գրասենյակի հաղորդակցման և կանխարգելման ծրագրերի ղեկավար Զառա Ամատունին.
«ԿԽՄԿ ներկայացուցիչները տեսակցել են Վիգեն Էուլջեքյանին, առանձնազրույց ունեցել։ Հնարավորություն է տրվել նաև հեռախոսազանգ կատարել ընտանիքի անդամների հետ և այլ կապի միջոցների կիրառում է իրականացվել»,- նշեց Ամատունին։
Factor.am-ը փորձեց տեղեկություն ստանալ նաև Վիգեն Էուլջեքյանի առողջական վիճակի և պահման պայմանների մասին, սակայն Ամատունին այլ մանրամասներից զերծ մնաց, նշելով, որ ԿԽՄԿ-ն չի կարող այցից հավելյալ տեղեկություն տրամադրել։
Հիշեցնենք՝ լիբանանահայ Վիգեն Էուլջեքյանը Շուշիում բնակություն էր հաստատել 44-օրյա պատերազմից ամիսներ առաջ։ Գերեվարվել էր եռակողմ հայտարարությունից ժամեր անց, երբ Մարալ Նաջարյանի հետ Բերձոր, ապա Շուշի էին գնացել՝ անձնական իրերի հետևից։ Մարալ Նաջարյանը Լիբանանի Կառավարության ջանքերով 2021 թվականի մարտին ազատվել էր ադրբեջանական գերությունից, իսկ Վիգեն Էուլջեքյանը 2021թ հունիսին Բաքվում դատապարտվել է ազատազրկման՝ 20 տարի ժամկետով։
Ապրիլի 1-ի վաղ առավոտյան սոցիալական ցանցում և մամուլում տեղեկություններ տարածվեցին, թե Վիգեն Էուլջեքյանը Բաքվի բանտում խոշտանգումների ենթարկվելով դաժանաբար սպանվել է։ Օրեր շարունակ մամուլում շրջանառվող տեղեկությունը, ինչպես պարզվեց, իրականությանը չի համապատասխանում։
Ռոզա Վարդանյան
