15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
Միջազգային կառույցների զեկույցը բացահայտում է Թուրքիայի երկրաշարժի գոտիներում խոշտանգումների և դաժան վերաբերմունքի մասին
Քաղաքականություն
05.04.2023 | 21:43
Amnesty International և Human Rights Watch միջազգային իրավապաշտպան կազմակերպությունները կիսվել են համատեղ զեկույցով՝ Թուրքիայի երկրաշարժից տուժած շրջաններում իրավապահների կողմից խոշտանգումների և դաժան վերաբերմունքի մասին պնդումների վերաբերյալ, գրում է Gercek News-ը։
Զեկույցի համաձայն՝ իրավապահ մարմինների աշխատակիցները, որոնք ավերված շրջաններ են գործուղվել երկրաշարժի պատճառած վնասներն ուսումնասիրելու համար, խոշտանգումների կամ դաժան վերաբերմունքի են ենթարկել գողության և թալանի մեջ կասկածվողներին։
Երկու կազմակերպությունները հարցազրույցներ են անցկացրել 34 մարդկանց հետ, որոնք, ենթադրաբար, ենթարկվել են խոշտանգումների կամ վատ վերաբերմունքի ոստիկանության, ժանդարմերիայի և շրջաններում նշանակված զինվորականների կողմից: Նշվում է նաև, որ ոստիկանությունում խոշտանգումների ենթարկված մեկ անձ մահացել է։
Զեկույցում նշվում է, որ բացառությամբ երեք դեպքերի՝ խոշտանգումների և դաժան վերաբերմունքի բոլոր դեպքերը տեղի են ունեցել Հաթայ նահանգի Անթաքիա քաղաքում, և որ զոհերից չորսը սիրիացի փախստականներ են։ Նշվում է նաև, որ այլատյացության դրդապատճառները որոշիչ դեր են խաղացել փախստականների դեմ հարձակումներում։
«Որոշ դեպքերում դժվար էր ստուգել տեղի ունեցածի ճշգրիտ հանգամանքները, սակայն մեր հետազոտությունը ցույց է տալիս, որ կան բավարար ապացույցներ՝ աջակցելու երկրաշարժի գոտում խոշտանգումների և վատ վերաբերմունքի մասին պնդումներին», – ասել Amnesty-ի հետազոտող Էնդրյու Գարդները։
Նա նաև կոչ է արել Թուրքիայի իշխանությունների՝ անհապաղ հետաքննություն իրականացնել այդ դեպքերի առնչությամբ և մեղավորներին պատասխանատվության կանչել։
Էմմա Չոբանյան
