Քաղաքականություն
05.04.2023 | 13:27ՀՀ կենտրոնական ընտրական հանձնաժողովի նախագահ Վահագն Հովակիմյանն այսօր հրավիրված ասուլիսում ամփոփում է մարտի 26-ին տեղի ունեցած ՏԻՄ ընտրությունների արդյունքները։
ԿԸՀ նախագահը վստահեցրեց, որ մարտի 26-ին Անի և Սիսիան համայնքներում տեղի ունեցած ՏԻՄ ընտրությունների քվեարկության արդյունքների վերաբերյալ վերահաշվարկի որևէ դիմում-բողոք չի եղել։
«Այսօր դատական բողոքարկման ժամկետի վերջին օրն է, մինչև այս պահը դատական բողոքարկում չունենք․ մինչև ժամը 18։00-ն ժամանակ կա։ Դրանից հետո պարզ կլինի՝ բողոքարկումներ կունենա՞նք, թե՞ ոչ», – նշեց Հովակիմյանը։
Նրա խոսքով՝ քվեարկությունն ընթացել է բնական հունով, բոլոր տեղամասերում քաղաքական ուժերը ունեցել են վստահված անձինք։
Հովակիմյանը նաև վստահեցրեց, որ լուրջ խախտումներ չեն եղել։ Չնախատեսվող վայրերում պաստառներ փակցնելու հետ կապված խնդիր է եղել, որին արագ լուծում է տրվել։
Մանրամասները՝ տեսանյութում։
