08.10.2026 | 18:10
ՀՀ-Ադրբեջան քննարկում Գորիսում՝ TRIPP-ի հարցով // «Ռոսիա»-ի շենքի բռնագանձնման պահանջ է դրվել․ ԼՈՒՐԵՐ
Բայրամովը հայտարարել է, թե Ադրբեջանը վճռական է Արցախի հայերին «վերաինտեգրելու» հարցում
Քաղաքականություն
05.04.2023 | 11:00
Ադրբեջանի ԱԳ նախարար Ջեյհուն Բայրամովն ընդունել է Բաքվում ՄԱԿ-ի փախստականների հարցերով գերագույն հանձնակատարի գրասենյակի նոր ներկայացուցիչ Բիկ Լումին, գրում են տեղական լրատվամիջոցները։ Հանդիպմանը Բայրամովը նշել է, որ «Ադրբեջանը վճռական է տրամադրված Ղարաբաղում բնակվող ազգությամբ հայ քաղաքացիներին հասարակությանը վերաինտեգրելու հարցում»։ Բացի այդ նա, ինչպես միշտ, կեղծիքներ է հնչեցրել Հայաստանի վերաբերյալ։
«Նշվել է, որ չնայած Ադրբեջանի խաղաղ նախաձեռնություններին, Հայաստանը շարունակում է ռազմաքաղաքական սադրանքները։ Ընդգծվել է միջազգային կազմակերպություններին սեփական նպատակների համար օգտագործելու՝ հայկական կողմի փորձերի անընդունելիությունը, որոնց առաքելությունները թույլ չեն տրվել Ղարաբաղում օկուպացիայի տարիներին»,-ասվում է Ադրբեջանի ԱԳՆ հաղորդագրության մեջ։
Այս ամենով պաշտոնական Բաքուն ևս մեկ անգամ փաստում է, որ Արցախ միջազգային կազմակերպությունների մուտքի խոչընդոտման քաղաքականությունը շարունակելու է։
Էմմա Չոբանյան
