15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
Թուրքիայի շրջաններից մեկը ջրի տակ է անցել նոր ամբարտակի պատճառով
Քաղաքականություն
04.04.2023 | 18:31
Թուրքիայի հյուսիսարևելյան Արդվինի Յուսուֆելի շրջանը ջրի տակ է անցել նոր ամբարտակի կառուցման պատճառով, գրում է Duvar-ը։
Ամբարտակը սկսել է ջուր հավաքել և հեղեղել ճանապարհներն ու շինությունները։ Էլեկտրաէներգիայի արտադրությունը սկսվելու է 2023 թվականի մայիսի 29-ին։
Նշվում է, որ Յուսուֆելի շրջանն իր 153-ամյա պատմության ընթացքում յոթերորդ անգամ է տեղափոխվում։
Ասելով, որ իր տունն ու այգին ջրի տակ են մնացել՝ շրջանի բնակիչներից խանութպան Մուզաֆեր Ջելլաթը նշել է. «Այստեղ մենք նայում ենք մեր անցյալին, մեր 55-ամյա տանն ու այգուն, որ ջրի տակ են անցել։ Հազիվ եմ զսպում արցունքներս»։
Մեկ այլ բնակիչ՝ Սադենուր Թամյուրեքն էլ ասել է․ «Տխրությամբ եմ նայում ջրի տակ թաղված մեր հիշողություններին։ Ես նայում եմ մեր անցած կյանքին՝ մեր 40 տարիները ջրի տակ են անցել»։
Յուսուֆելի ամբարտակը և հիդրոէլեկտրակայանը սկսել են կառուցվել 2013 թվականին։
Շրջանի բնակիչները տեղափոխվել են նահանգի այլ բնակավայր։
Էմմա Չոբանյան
