26.11.2024 | 21:30
ՔՊ-ն Արգիշտի Մեխակյանին կառաջադրի Արմավիրի մարզպետի թեկնածու
Թուրքիայում նոր երկրաշարժեր են գրանցվել
Քաղաքականություն
04.04.2023 | 11:40
Թուրքիայում փետրվարի 6-ի ավերիչ երկրաշարժերից հետո հետցնցումները շարունակվում են։ Քահրամանմարաշ նահանգում 3,9 մագնիտուդով երկրաշարժ է տեղի ունեցել, Թուրքիայի Աղետների կառավարման վարչությանը հղումով հայտնում է ՌԻԱ Նովոստին:
«3,9 մագնիտուդով երկրաշարժ է տեղի ունեցել ժամը 06.19-ին Գյոքսունի շրջանում»,- հայտնել են վարչությունից։ Ըստ այդ տվյլաների՝ երկրաշարժի օջախը գտնվել է 7,02 կմ խորության վրա։ Մեկ այլ՝ 3,5 մագնիտուդով երկրաշարժ էլ տեղի ունեցել Մալաթիայի Աքչադաղ շրջանում։
Հիշեցնենք՝ փետրվարի 6-ին Թուրքիայի հարավ-արևելքում գտնվող Քահրամանմարաշ նահանգում 7,7 և 7,6 մագնիտուդ ուժգնությամբ երկրաշարժեր էին տեղի ունեցել ինը ժամ միջակայքով՝ զանգվածային ավերածությունների պատճառ դառնալով անգամ հարևան Սիրիայում։ Ցնցումները զգացվել էին երկրի 11 նահանգներում։ Թուրքայի իշխանություններն ավելի քան 50 հազար մարդու կյանք խլած երկրաշարժն անվանել են «դարի աղետ»։
Տաթև Ֆռանգյան
