15.01.2025 | 17:45
ՌԴ-ն և Ուկրաինան «25-ը՝ 25-ի դիմաց» գերիների փոխանակում են իրականացրել
Ալեն Սիմոնյանի մասնակցությամբ միջադեպի առթիվ Դատախազությունում վարույթ չի նախաձեռնվել
Հասարակություն
04.04.2023 | 09:08
ԱԺ նախագահ Ալեն Սիմոնյանի և ՀՅԴ-ական Կարեն Մկրտչյանի մասնակցությամբ նախօրեին Կասկադում տեղի ունեցած միջադեպով ՀՀ գլխավոր դատախազությունում վարույթ չկա նախաձեռնված։ Այս մասին Factor.TV-ի հարցին ի պատասխան տեղեկացրեցին Գլխավոր դատախազի աշխատակազմից։
Հիշեցնենք՝ Կարեն Մկրտչյանը Factor.TV-ի հետ զրույցում ասել էր, որ կիրակի օրը Կասկադում տեսնելով Ալեն Սիմոնյանին, վանկարկել է՝ «դավաճան», ինչին ի պատասխան, ըստ Մկրտչյանի, Սիմոնյանը թքել է նրա վրա։
Ո՛չ ԱԺ նախագահը, ո՛չ էլ նրա մամուլի խոսնակը չեն հերքում թքելու մասին քաղաքացու մեղադրանքները։
Ինքը՝ Կարեն Մկրտչյանը, Factor TV-ին փոխանցեց, որ իրավաբանների հետ քննարկում է՝ դիմե՞լ իրավապահներին, թե՝ ոչ։
Միջադեպի մասին Factor TV-ի ռեպորտաժն՝ այստեղ։
Նարեկ Կիրակոսյան
