15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
Բաքվում Իրանի դեսպանը կանչվել է ԱԳՆ. Ադրբեջանը Թեհրանին պատասխան բողոքի նոտա է հղել
Քաղաքականություն
03.04.2023 | 19:44
Ադրբեջանի ԱԳՆ-ն այսօր ստացել է իրեն ուղղված Բաքվում Իրանի դեսպանատան բողոքի նոտան։ Այս մասին հայտնել է Ադրբեջանի ԱԳՆ խոսնակ Այխան Հաջիզադեն՝ նշելով, որ այդ կապակցությամբ Իրանի դեսպան Աբաս Մուսավին կանչվել է ԱԳՆ և նրան պատասխան բողոքի նոտա է հղվել։
Հաջիզադեն ասել է, որ ադրբեջանական լրատվամիջոցների հետ կապված իրանական կողմի հայտարարությունները, իբր, չեն արտացոլում իրականությունը, և իրանական կողմին է ներկայացվել պատասխան բողոքի նոտա, ինչպես նաև իրանական ԶԼՄ-ներում Ադրբեջանի դեմ հոդվածների ցանկ։
Հանդիպման ընթացքում «ընդգծվել է հրատապ միջոցներ ձեռնարկելու անհրաժեշտությունը՝ իրանական լրատվամիջոցներում Ադրբեջանի դեմ կեղծ և կանխակալ տեղեկատվության տարածումը կանխելու նպատակով»:
Հավելենք, որ ավելի վաղ Թեհրանը բողոքի նոտա էր հղել Բաքվին ադրբեջանական լրատվականներում հակաիրանական հրապարակումների և վիրավորանքների հետ կապված։ Իրանի դեսպանատունը պահանջել էր անմիջապես դադարեցնել նման հրապարակումները։
Էմմա Չոբանյան
