08.10.2026 | 15:01
Հայտնի է ազատ ոճի ըմբշամարտի Հայաստանի հավաքականի կազմն ԱԱ-ում
Էրդողանը՝ հերթական սկանդալի կենտրոնում․ Թուրքիայի նախագահը կանխիկ գումար է բաժանել երեխաներին՝ հանդիմանելով մեծերին, որոնք փորձել են վերցնել այն
Քաղաքականություն
03.04.2023 | 18:01
Թուրքիայի նախագահ Ռեջեփ Թայիփ Էրդողանը կրկին սկանդալում է հայտնվել և քննադատության ենթարկվել այն բանից հետո, երբ նրան տեսել են Ստամբուլի Բաղջըլար թաղամասում երեխաներին կանխիկ գումար բաժանելիս, գրում է Gercek News-ը։
Դեպքը տեղի է ունենում մի քանի շաբաթ այն բանից հետո, երբ Էրդողանը քննադատության էր ենթարկվել երկրաշարժից տուժած Ադըյաման և Հաթայ նահանգներում ավտոբուսից կանխիկ գումար բաժանելու և խաղալիքների տուփեր նետելու համար:
Ստամբուլում տեղի ունեցած միջադեպի տեսագրությունը տարածվել է սոցիալական ցանցերում։ Տեսանյութերում երևում է, թե ինչպես է Էրդողանը կանխիկ գումար բաժանում երեխաներին, իսկ որոշ չափահասներ փորձում են վերցնել գումար։ Նախագահը, սակայն, շտապում է խրատել մեծերին՝ ասելով՝ «Կանգնե՛ք, ամոթ է»։
Քննադատները Թուրքիայի ղեկավարին մեղադրում են այս ամենն օգտագործելու համար՝ դրական իմիջ ստեղծման նպատակով, այլ ոչ թե մարդկանց հրատապ կարիքները լուծելու:
«Ո՞ւմ եք հիմարացնում, Էրդողա՛ն, տեսախցիկների առաջ մի քանի հարյուր լիրա բաժանելով՝ փորձում եք մեզ հավատացնել, որ մեր մասին եք մտածում»,- ասել է Դեմոկրատական կուսակցության պատգամավոր Ջեմալ Էնգինյուրթը։
Էմմա Չոբանյան
