23.02.2026 | 23:30
Ադրբեջանը նույնպես հետաքրքրություն է հայտնել Եվրոպական խաղաղության գործիքակազմի շրջանակներում օգնություն ստանալու հարցում
Վերջին օրերին Ադրբեջանում 400 կրոնական գործիչ է ձերբակալվել
Քաղաքականություն
03.04.2023 | 16:08
Բաքվի ու Թեհրանի միջև հարաբերությունների լարվածության ֆոնին Ադրբեջանի նախագահ Իլհամ Ալիևը շարունակում է հաշվեհարդար տեսնել կրոնական գործիչների ու ակտիվիստների նկատմամբ։
Մասնավորապես, ընդդիմադիր Meydan TV-ի լրագրող Հաբիբ Մյութեզիրը սոցցանցերի իր էջերում հայտնում է, որ «անցած 4 օրերի ընթացքում Ադրբեջանում ավելի քան 400 կրոնական գործիչ է ձերբակալվել Իրանի հետ լարվածության պատճառով»։ Հաղորդվում է, որ նրանցից ոմանք ձերբակալվել են «լրտեսության» կասկածանքով, իսկ շատերը, իբր, թմրանյութեր պահելու մեղադրանքով։
Հիշեցնենք, որ վերջին ամիսներին Թեհրանի հետ հարաբերությունների լարվածության ֆոնին Բաքվում շարունակում են «իրանական լրտեսների» փնտրտուքն ու տարբեր կրոնական ակտվիստների և անձանց ձերբակալությունները։
Հավելենք, որ մարտի 9-12-ը 25 կրոնական ակտիվիստ էր ձերբակալվել «Մահմեդական միություն» շարժումից՝ թմրանյութերի ապօրինի շրջանառության մեղադրանքով։ Լրատվականների հետ զրույցում ձերբակալվածների ընտանիքի անդամները մեղադրանքներն անվանել էին զրպարտություն, իսկ այն, որ ադրբեջանական լրատվամիջողները տարածել են նրանց հարազատների լուսանկարները՝ նրանց որակելով «իրանական լրտեսներ», համարել են անմեղության կանխավարկածի խախտում։ Ակտիվիստներին հարազատները համարում են «Իրանի հետ հարաբերությունների սրացման զոհեր»։
Էմմա Չոբանյան
