07.10.2026 | 23:48
Արթուր Դանիելյանը կալանավորվեց
Սանոսյանր շնորհավորական ուղերձ է հղել երկրաբանի օրվա առիթով
Հասարակություն
02.04.2023 | 17:59
Ապրիլի առաջին կիրակի օրն ավանդաբար նշվում է երկրաբանի օրը։ Օրվա առիթով շնորհավորական ուղերձ է հղել ՀՀ տարածքային կառավարման և ենթակառուցվածքների նախարար Գնել Սանոսյանը:
«Երկրաբանությունը հանքարդյունաբերության հիմնաքարն է, իսկ հանքարդյունաբերությունը՝ մեր երկրի տնտեսության կարևորագույն ճյուղերից մեկը։
Ներկայում ՀՀ կառավարությունը նպատակադրել է հանքարդյունաբերության ոլորտի հետագա զարգացումն ու բարեփոխումների իրականացումը, որի հիմքում ընկած է անցումը կայուն և պատասխանատու հանքարդյունաբերությանը։ Շրջակա միջավայրի նկատմամբ պատասխանատու և անվտանգ հանքարդյունաբերություն, որը կապահովի համընդհանուր կայուն զարգացման հնարավորություններ։
Հարգելի՛ երկրաբաններ, Ձեր արհեստավարժ, բարդ ու պատասխանատու աշխատանքի շնորհիվ է, որ հնարավոր է դառնում երկրի բնական հարստությունները տնտեսության զարգացմանը նպատակաուղղելու հնարավորությունը։
Մասնագիտական տոնի կապակցությամբ շնորհավորում եմ բոլոր երկրաբաններին, ոլորտում իրենց ավանդն ունեցած մեր ավագ գործընկերներին։ Մաղթում եմ ուժ ու կորով, արդյունավետ աշխատանք` ի շահ Հայաստանի Հանրապետության տնտեսական զարգացման»,-ասվում է շնորհավորական ուղերձում:
