16.01.2026 | 16:45
Ուկրաինայում էլեկտրակայաններ չեն մնացել, որոնք չեն ենթարկվել ՌԴ-ի կողմից հարվածների․ Շմիգալ
Մյասնիկյան պողոտայում «Range Rover»-ը կողաշրջվել է. տուժածը հոսպիտալացվել է
Հասարակություն
02.04.2023 | 13:25
Ապրիլի 2-ին, ժամը 00:00-ին Ճգնաժամային կառավարման ազգային կենտրոն տեղեկություն է ստացվել, որ Երևանի Մյասնիկյան պողոտայում տեղի է ունեցել ՃՏՊ, ավտոմեքենան կողաշրջվել է․ կա տուժած։ Այս մասին հայտնում են ՀՀ ՆԳՆ փրկարար ծառայությունից:
Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատի օպերատիվ խումբը։
Պարզվել է, որ «Range Rover» մակնիշի ավտոմեքենան (վարորդ՝ Ա․ Հ․) կողաշրջվել է։
Փրկարարները վարորդին դուրս են բերել ավտոմեքենայից և մոտեցրել շտապօգնության ավտոմեքենային․ տուժածը հոսպիտալացվել է «Հերացի» Թիվ 1 հիվանդանոցային համալիր։
