25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
«Porsche Cayenne» մակնիշի ավտոմեքենան բախվել է գովազդային վահանակի սյանը. վարորդը մահացել է
Հասարակություն
02.04.2023 | 11:26
Ապրիլի 1-ին, ժամը 23։39-ին Ճգնաժամային կառավարման ազգային կենտրոն ահազանգ է ստացվել, որ Երևանի Սեբաստիա փողոցում տեղի է ունեցել ՃՏՊ, ծուխ է նկատվում. կան տուժածներ։ Այս մասին հայտնում են ՆԳՆ փրկարար ծառայությունից
Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ «Porsche Cayenne» մակնիշի ավտոմեքենան բախվել է գովազդային վահանակի սյանը, հրդեհի նշաններ չեն հայտնաբերվել։
Մինչ փրկարարների կանչի վայր հասնելը՝ ավտոմեքենայի ուղևորներ Կ․ Ն․-ն և Ա․ Մ․-ն տեղի ուժերով տեղափոխվել են «Աստղիկ» ԲԿ, որտեղ բժիշկները Կ․ Ն․-ի առողջական վիճակը գնահատել են բավարար, իսկ Ա․ Մ․-ն ստանալով համապատասխան բուժօգնություն՝ դուրս է գրվել։
Ավտոմեքենայի վարորդը հոսպիտալացվել է «Աստղիկ» ԲԿ, որտեղ բժիշկները արձանագրել են նրա մահը։
Փրկարարները հոսանքազրկել են ավտոմեքենան և իրականացրել ճանապարհի լվացման աշխատանքներ
