27.06.2026 | 14:41
Սպասվում է կարճատև անձրև և ամպրոպ, առանձին հատվածներում՝ նաև կարկուտ
Արդյո՞ք ՀՀ-ն Ժողովրդավարության համաժողովին մասնակցության հրավեր է ստացել․ ԱԳՆ-ից դեռ չեն հաստատում
Քաղաքականություն
22.03.2023 | 13:16
Արդյո՞ք ՀՀ արտգործնախարար Արարատ Միրզոյանը մարտի 29-ին Նիդերլանդներում կայանալիք ժողովրդավարության համաժողովին մասնակցության հրավեր ստացել է․ այս հարցով Factor.am-ը դիմեց արտգործնախարարության մամուլի խոսնակ Անի Բադալյանին: Ըստ խոսնակի՝ դեռ պարզ չէ, Միրզոյանը կմասնակցի համաժողովին, թե՞ ոչ․ նախարարությունից ասացին՝ այս մասին ավելի ուշ կհայտնեն:
Նշենք, որր գագաթնաժողովն անցկացվում է ԱՄՆ նախագահ Ջո Բայդենի նախաձեռնությամբ։ 2021 թվականի դեկտեմբերի 9-10-ը ՀՀ վարչապետ Նիկոլ Փաշինյանը առցանց ձևաչափով մասնակցել էր դրան։ Այս տարի գագաթնաժողովն անցկացվում է մարտի 29-30-ը Նիդեռլանդներում։ ԱՄՆ-ի կողմից կազմակերպված միջոցառման համահյուրընկալողներն են Նիդեռլանդները, Կոստա Ռիկան, Զամբիան և Հարավային Կորեան։
Ի դեպ, նախորդ գագաթնաժողովին Թուրքիան և Ադրբեջանը հրավիրված չէին։ Այս տարի նրանց մասնակցության վերաբերյալ տեղեկություններ դեռևս չկան։
