26.08.2026 | 17:45
18-ամյա ֆուտբոլիստը 100 միլիոն եվրոյի դիմաց տեղափոխվեց «Մանչեսթեր Սիթի»
Բախվել են Գյումրի-Երևան էլեկտրագնացքն ու մարդատար մեքենան
11.03.2023 | 17:52
Մարտի 11-ին ՝ ժամը 10:30-ի սահմաններում, Էջմիածին-Մասիս հատվածում «Հարավկովկասյան երկաթուղի» ընկերության Գյումրի-Երևան էլեկտրագնացքի և «Վոլկսվագեն» մակնիշի ավտոմեքենայի մասնակցությամբ տեղի է ունեցել ճանապարհատրանսպորտային պատահար:
Ինչպես տեղեկացնում են ՀԿԵ-ից, միջադեպի հետեւանքով էլեկտրագնացքը ժամանակացույցով ուշացել է 1 ժամ 15 րոպե ։
Ակնհայտ է, որ մարդատար ավտոմեքենայի վարորդը անտեսել է ինքնակարգավորվող անցման լուսացույցի արգելող նշաններն ու զգուշացնող ազդանշանները։ Կատարված վնասն էլ ավելի է գնահատվում։
Ընկերությունը խորհուրդ է տալիս պահպանել երթևեկության կանոնները երկաթուղային գծերով անցնելիս ՝ քաղաքացիների առողջությունն և ընկերության նյութական միջոցներն ապահովելու համար: Ընկերությունը նաև ներողություն է խնդրում էլեկտրագնացքի ուղևորներից՝ իրենից անկախ պատճառներով տեղի ունեցած միջադեպի համար։
