«Դատախազապետություն է ստեղծվում․ Դատախազը նախարարից բարձր է վարձատրվելու»․ Արծվիկ Մինասյան․ ՏԵՍԱՆՅՈՒԹ

Ազգային ժողովում քննարկվում է «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» օրենքում լրացումներ և փոփոխություններ կատարելու մասին օրենքի նախագիծն առաջին ընթերցմամբ ընդունել մասին հարցը։ Փոփոխության արդյունքում դատախազներին կվճարվի ամսական հավելում՝ պաշտոնային դրույքաչափի 92 տոկոսի չափով։

«Հայաստան» խմբակցության քարտուղար Արծվիկ Մինասյանը, ելույթ ունենալով, ընդգծեց, որ Գլխավոր դատախազի վարձատրությունը գործակցի հաշվարկով 15-ից դառնալու է 28.8․ . «Այսինքն՝ ոչ միայն ավելին, քան ՀՀ նախագահի, վարչապետի, Աժ նախագահի վարձատրությունն է, այլ եթե դրան ավելացնենք նաև հավելավճարներն, ապա մի քանի անգամ գերազանցում է վերոհիշյալ պաշտոնյաների վարձատրության չափը»։

Անդրադառնալով դատախազների վարձատրության միջին ցուցանիշին՝ ընդդիմադիր պատգամավորը նկատեց, որ նրանց աշխատավարձը լինելու է ավելի բարձր, քան բարձրագույն գործադիր իշխանության՝ կառավարության անդամի՝ նախարարի, ԱԺ մշտական հանձնաժողովի նախագահի աշխատավարձը:

«Չենք կարող դեմ արտահայտվել վարձատրության համակարգին, բայց հարցն այն է, թե ինչ սկզբունքներով է սահմանվում այն:

Գլխավոր դատախազը, որը 2023 թվականի հունվարի 1-ից առաջ և հետո այս փոփոխություններով պետք է ստանա 3 մլն դրամից ավել, ինչո՞վ է ավելի շատ գործ անում, քան քաղաքական պատասխանատուները, կամ մասնագիտական ոլորտների պատասխանատուները:

Այս ամբողջը գալիս հանգում է հետևյալին՝ աղավաղվում է միասնական վարձատրության համակարգը և այն արվում է՝ առանձին գերատեսչություններից բերվող և իրենց գերատեսչական շահն առաջ մղելով:
Ի վերջո՝ քանի որ այս բարձրացումները հիմնականում ուղղված են ուժային կառույցներին, կարող ենք փաստել, որ սրանից լավ ապացույց դատախազապետություն ստեղծելու մասին՝ ուղղակի չկա»,- նշեց Միանսյանը։

Մանրամասները՝ տեսանյութում։