14.01.2025 | 16:41
Սիրիայի ԱԳՆ, ՊՆ և հետախուզության ղեկավարները հունվարի 15-ին Թուրքիա կայցելեն
Էրդողանի կուսակցությունից հայտնել են, որ Թուրքիայում ընտրությունները չեն հետաձգվի
Քաղաքականություն
27.02.2023 | 22:08
Թուրքիայի խորհրդարանի իշխող «Արդարություն ու զարգացում» կուսակցության փոխնախագահ Մուսթաֆա Էլիթաշը հայտարարել է, որ երկրում ընտրություների ամսաթվի տեղափոխում չի նախատեսվում, գրում է Birgün-ը։
Նա հայտնել է, որ վաղը Թուրքիայի Ազգային մեծ ժողովը սկսում է աշխատանքները։
«Ընտրությունները հետաձգելու հարց չկա»,- ասել է Էլիթաշը՝ անդրադառնալով ընտրությունների ամսաթվին։
Հավելենք, որ Թուրքիայում փետրվարի 6-ին տեղի ունեցած ավերիչ երկրաշարժերից հետո պարբերաբար քննարկվում է նախագահական և խորհրդարանական ընտրությունների հետաձգման հարցը։ Իշխանամետ լրատվականներն ավելի վաղ հայտնել էին, որ նախագահ Ռեջեփ Թայիփ Էրդողանը հակված չէ դրանք հետաձգել։
Էմմա Չոբանյան
