12.03.2026 | 23:35
Վթար Երասխ-Երևան ավտոճանապարհին․ կան տուժածներ
Սիմոնյանը և ԱՄՆ դեսպանը քննարկել են Բաքվի դեմ սանկցիաների հարցը․ ԱԱԾ-ում ատեստավորում կլինի․ Լուրեր
Քաղաքականություն
27.02.2023 | 15:55
- ԱՄՆ դեսպանատնից հայտարարել են, որ Արդարադատության միջազգային դատարանի որոշումը վերահաստատեց միջազգային հանրության ընդհանուր դիրքորոշումն առ այն, որ Լաչինի միջանցքը պետք է լիարժեք բաց լինի մասնավոր և կոմերցիոն փոխադրումների համար։
- Հայաստանի Խորհրդարանի պաշտտպանության և անվտանգության հանձնաժողովում քննարկվել է նախագիծ, որով առաջարկվում է ԱԱԾ-ում ատեստավորման համակարգ ներդնել և բարձրացնել ատեստավորում անցնող ծառայողների աշխատավարձերը։ Այս առիթով ԱԱԾ տնօրենի տեղակալ Անդրանիկ Սիմոնյանն Factor.am-ի լրագրողի հարցին ի պատասխան՝ հայտարարել է, որ ԱԱԾ տնօրենն ու տեղակալներն ատեստավորում չեն անցնի, սակայն չի մանրամասնել, թե ինչու են նման արտոնություն ստանում կառույցի ղեկավարները։
- ՀՀ ԱԺ նախագահ Ալեն Սիմոնյանն ընդունել է Հայաստանում ԱՄՆ նորանշանակ դեսպան Քրիստինա Քվինին: Մտքեր են փոխանակվել միջազգային հանրության կողմից Ադրբեջանի նկատմամբ ճնշման ավելացման անհրաժեշտության մասին, այդ թվում՝ պատժամիջոցների հնարավոր կիրառման շուրջ:
Այս ժամի լուրերը՝ տեսանյութում։
