Քաղաքականություն
27.02.2023 | 15:05ԱԺ պաշտպանության և անվտանգության հարցերի մշտական հանձնաժողովի նիստում քննարկվում է «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» օրենքում լրացումներ և փոփոխություն կատարելու մասին նախագիծը, որի ընդունման արդյունքում, բացառությամբ ԱԱԾ տնօրենի և նրա տեղակալների, բոլոր ծառայողները ատեստավորում կանցնեն։
«Քաղաքացիական պայմանագիր» խմբակցության պատգամավոր Վահագն Ալեքսնայանը հույս հայտնեց, որ ատեստավորման համակարգի ներդրումն իր դրական պտուղները կտա։
Ալեքսանյանն անդրադարձավ «Հայաստան» խմբակցության պատգամավոր Գեղամ Մանուկյանի հնչեցրած հետևյալ հարցադրմանը․ «Ատեստավորումը ներդրվում է նաև ԶՈՒ-ում, սակայն ի տարբերություն ԱԱԾ-ի, որտեղ երկու անգամ ատեստացիա չանցնող ծառայողը դուրս է մնում ծառայությունից, ԶՈՒ-ում զինվորականը շարունակում է ծառայել նույն պաշտոնում։ Որքանո՞վ է սա արդար»։
«ԱԱԾ-ն իրեն կարող է թույլ տալ, որ ատեստավորում չանցած ծառայողը հեռացվի, բայց ՊՆ-ն գուցե շատ դեպքերում չկարողանա․ այս երկու ուժային կառույցներում կադրերի բաշխվածությունն ու զբաղվածությունը տարբեր են, և ՊՆ-ում որևէ հաստիք թափուր մնալու դեպքում ռիսկերը շատ ավելի մեծ են, քան ԱԱԾ-ում։
Ժամանակի ընթացքում ինչ-որ մի պահի պետք է հասնենք նրան, որ ԶՈՒ-ում ևս ատեստացիա չանցած ծառայողը դուրս մնա համակարգից, բայց ակնհայտ է, որ հիմա մենք այդ շռայլությունը մեզ թույլ տալ չենք կարող»,- նշեց Ալեքսանյանը։
Մանրամասները՝ տեսանյութում։
