16.01.2026 | 14:30
Հարավային Կորեայի նախկին նախագահը 5 տարվա ազատազրկման է դատապարտվել
Ալիևները գնել են թուրքական Բոդրումի ամենաշքեղ հյուրանոցներից մեկի 50 տոկոս մասնաբաժինը
Քաղաքականություն
27.02.2023 | 23:03
Ադրբեջանի նախագահ Իլհամ Ալիևի ընտանիքի հերթական բիզնես գործարքն է բացահայտվել, որը կապված է Թուրքիայի հետ։ Մասնավորապես, թուրքական լրատվականների հաղորդմամբ, ադրբեջանական Pasha Holding-ը գնել է Բոդրումի ամենաթանկ և շքեղ զբոսաշրջային օբյեկտներից մեկի՝ Mandarin Oriental-ի 50 տոկոս մասնաբաժինը։ Նշվում է, որ Pasha Holding-ն արագացրել է ներդրումները Թուրքիայի ամենահայտնի հանգստավայրում՝ Բոդրումում։ Այն նաև Յալիքավակի ափին գտնվող Allium Bodrum Resort & SPA-ի սեփականատերն է։
Mandarin Oriental Bodrum-ը հիմնադրվել է ASTAŞ հոլդինգի սեփականատեր Վեդաթ Աշջիի կողմից։
Pasha Holding-ը պաշտոնապես հաստատել է հյուրանոցի բաժնեմասի ձեռքբերման լուրը։
«Թուրքիան կարևոր տեղ է զբաղեցնում մեր խմբի երկարաժամկետ ներդրումային ռազմավարության մեջ»,- ասել է Holding-ի գլխավոր գործադիր տնօրեն Ջալալ Գասիմովը։
Նշվում է նաև, որ Pasha Holding-ը ներկայում գործում է Ադրբեջանի, Թուրքիայի, Վրաստանի և Չեռնոգորիայի շուկաներում։
Հավելենք, որ Pasha Holding-ն Ադրբեջանի առաջին տիկին, փոխնախագահ Մեհրիբան Ալիևայի հոր՝ Արիֆ Փաշաևի սեփականությունն է, բաժնեմասեր ունեն նաև նախագահ Ալիևի դուստրերը՝ Լեյլա և Արզու Ալիևաները։
Էմմա Չոբանյան
