08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Հորդանան գետի արևմտյան ափին անկարգություններ են սկսվել
Քաղաքականություն
27.02.2023 | 15:48
Իսրայելցի վերաբնակիչները կիրակի երեկոյան՝ փետրվարի 26-ին անկարգություններ են կազմակերպել Հավարա գյուղում՝ Հորդանան գետի արևմտյան ափի Նաբլուս քաղաքից հարավ, որտեղ դեպքերից մի քանի ժամ առաջ հրաձգության հետևանքով սպանվել էին Իսրայելի երկու քաղաքացիներ, գրում է DW-ի ռուսական ծառայությունը:
Իսրայելական հեռուստատեսությունը հայտնել է, որ ցուցարարները հրկիզել են տեղի պաղեստինցիների ավելի քան 30 տուն, խանութ և ավտոմեքենա։ Անվտանգության ուժերն այրվող շենքերից մի քանի պաղեստինցի ընտանիքների փրկել։
Առողջապահության նախարարության տվյալներով՝ անկարգությունների ժամանակ մահացու վիրավորվել է մեկ պաղեստինցի։ Իսրայելական բանակը հայտարարել է, որ ավելացնում է իր ներկայությունը տեղում՝ հետագա բռնությունները կանխելու համար:
Հավարայում հրեա վերաբնակիչների և արաբների միջև բախումների ֆոնին Իսրայելի վարչապետ Բենիամին Նեթանյահուն քաղաքացիներին կոչ է արել հանգստություն պահպանել և զերծ մնալ ինքնադատաստանից։
«Նույնիսկ երբ արյունն ու գլուխը եռում են, խնդրում եմ՝ օրենքը ձեր ձեռքը չվերցնեք»,- ասել է նա տեսաուղերձում։
Վերջին մի քանի ամիսների ընթացքում պաղեստինյան տարածքներում կատաղի բախումներ են տեղի ունենում պաղեստինցիների և իսրայելական բանակի միջև։
Տաթև Ֆռանգյան
