14.09.2026 | 21:13
Oգոստոսի կլիմայական պայմանները Հայաստանում
Գողություններ ծաղկի սրահներից. ոստիկաների բացահայտումը
Հասարակություն
26.02.2023 | 20:46
Փետրվարի 20-ի առավոտյան ոստիկանության Արաբկիրի բաժնում ստացվել է հաղորդում, որ մեկ ժամ առաջ Կոմիտասի պողոտայի ծաղկի խանութի ապակիները կոտրել ու գողություն են արել:
Ինչպես տեղեկացնում են ՀՀ ոստիկանությունից, փաստի առթիվ նախաձեռնվել է քրեական վարույթ:
«Մինչ իրավապահները փորձում էին բացահայտել հանցագործությունը, Արաբկիրի բաժնում ստացվեց երկրորդ ահազանգը: 1-02 էր զանգել Փափազյան փողոցի ծաղկի սրահի աշխատակիցը. տեխնիկական միջոցի գրոծադրմամբ բացել էին սրահի դուռն ու տարել ծաղիկներ:
Արաբկիրի քրեական հետախույզների օպերատիվ աշխատանքն արագ արդյունք տվեց: Պարզվեց, որ երկու գողությունն էլ արել էր 38-ամյա մի տղամարդ, որը ևս ծաղկի խանութ ունի: Նա հայտնաբերվեց, ձերբակալվեց և ներկայացվեց քննչական բաժին:
Գողոնը հայտնաբերվել է, շարժառիթն ու դեպքերի հանգամանքները նախաքննությամբ պարզվում են»,- ասված է հաղորդագրության մեջ:
