14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Պուտինյան կայսրության փլուզումը բերելու է ազատություն, անկախություն․ Տիգրան Խզմալյան. ՏԵՍԱՆՅՈւԹ
Քաղաքականություն
24.02.2023 | 19:10
Ազատության հրապարակում տեղի է ունենում Ազգային-ժողովրդավարական Բևեռի հավաք-ցույցը` հաջակցություն Ուկրաինայի։
«Մենք համերաշխության ու բողոքի ցույցով կանգնելու ենք Ուկրաինայի կողքին, որովհետև մեր խորին համոզմամբ 2022 թվականի պատերազմը Ուկրաինայում 2020 թվականին Հայաստանի ու Արցախի դեմ պատերազմի շարունակությունն էր։
Մեկ տարին ապացուցեց, որ մենք իրավացի ենք, և 2021-2022 թվականի հարձակումները Սյունիքում, Գեղարքունիքում ապացուցեցին, որ իսկապես Ռուսաստանը դիտում է Հայաստանը որպես այդ նույն ռազմաճակատի հարավային մասը։
Այնպես որ, Ուկրաինայի պատերազմը նաև մեր պատերազմն է, Ուկրաինայի հաղթանակը նաև մեր հաղթանակն է լինելու։ Ռուսաստանի պարտությունը լինելու է հայերի, վրացիների, ուկրաինացիների, բոլոր այլ ազգերի համար հաղթանակի նշան։
Ճիշտ այնպես, ինչպես 1918 թվականին ռուսական կայսրության փլուզմամբ մենք ստացանք անկախություն, ճիշտ այնպես, ինչպես 1991 թվականին մենք ստացանք անկախություն՝ շնորհիվ սովետական կայսրության փլուզման, պուտինյան կայսրության փլուզումը բերելու է մեզ և այլ ազատատենչ ազգերին ազատություն, անկախություն»,- լրագրողների հետ զրույցում այս մասին նշեց Հայաստանի Եվրոպական կուսակցության նախագահ Տիգրան Խզմալյանը։
Նրա դիտարկմամբ՝ Ռուսաստանի դեմ այսօր համախմբվել է ողջ քաղաքակիրթ աշխարհը․ սա իսկապես քաղաքակրթական պայքար է։
«Շատ կարևոր է, որ Հայաստանն այս տարվա ընթացքում տեղափոխվեց սխալ, մեզ համար մահաբեր, վնասատու դաշտից։ Մենք տեսնում ենք, որ եթե մեկ տարի առաջ Հայաստանը դիտվում էր որպես Ռուսաստանի դաշնակից, հիմա բոլորի համար ակնհայտ է, որ դա այդպես չէ։ Սա տարածքի պայքար չէ, սա պայքար է ազատության, ժողովրդավարության, մարդու իրավունքների, ազգերի ինքնորոշման համար։ Դա միավորում է մեզ և ուկրաինացիներին»,- նշեց Խզմալյանը։
Մանրամասները՝ տեսանյութում։
