27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
Բլինքենն ասաց Թուրքիային՝ հայերը քեզ օգնեցին երկրաշարժի ժամանակ, դու էլ քայլ արա. Արմինե Մարգարյան. ՏԵՍԱՆՅՈՒԹ
Քաղաքականություն
24.02.2023 | 21:17
Հաագայի դատարանի որոշմամբ՝ Ադրբեջանը պարտավորվեց ձեռնարկել բոլոր միջոցները՝ Լաչինի միջանցքով ապահովել երկու ուղղություններով քաղաքացիների, տրանսպորտային միջոցների և բեռների անխափան տեղաշարժը: Նիկոլ Փաշինանը «չափազանց կարևոր որոշում» է սա անվանել՝ ասելով, որ միջանցքը չբացելու հանգամանքը պետք է հանգեցնի կոնկրետ միջազգային հետևանքների:
ԵՄ-ն էլ հայտարարություն տարածեց՝ նշելով, որ ի գիտություն է ընդունում Արդարադատության միջազգային դատարանի արձակած պարտադիր որոշումը, որում նշվում է, որ Ադրբեջանը պետք է ձեռնարկի իր տրամադրության տակ եղած բոլոր միջոցները՝ ապահովելու մարդկանց, տրանսպորտային միջոցների և բեռների անարգել տեղաշարժը Լաչինի միջանցքով՝ երկու ուղղություններով։ ԵՄ-ն ևս կոչ է արել Ադրբեջանին՝ բացել միջանցքը։
Եվ, ի դեպ, դատարանը մերժեց Ադրբեջանի հայցը՝ միջանկյալ միջոց կիրառել ՀՀ-ի նկատմամբ, և փաստացի՝ անհիմն համարեց Ադրբեջանի թեզը, որ ՀՀ-ն միջանցքով ականներ է տեղափոխում։
Ռազմաքաղաքական հարցերով փորձագետ Արմինե Մարգարյանը Factor TV-ին տված հարցազրույցում ասաց, որ Ադրբեջանի՝ ՀՀ-ի դեմ հայտարարված նարատիվներն առ ոչինչ են դառնում։
«Նախ՝ խոսվում է նրա մասին, որ կա՛ Լեռնային Ղարաբաղ, որովհետև անգամ Մյունխենի պանելային քննարկման ժամանակ Ալիևն ասաց, թե մի օգտագործեք Լեռնային Ղարաբաղ արտահայտությունը, այլ կա ղարաբաղյան տնտեսական գոտի։ Ականների կեղծ թեզը ևս նրանք փորձել են առաջ տանել միջազգային գործընկերների մոտ, բայց դատարանը մերժեց ՀՀ-ի դեմ հայցը, ինչը ևս խոսում է նրա մասին, որ հիմնավոր ապացույցներ չեն ներկայացվել»,- նշեց Արմինե Մարգարյանը։
Հարցազրույցն ամբողջությամբ՝ տեսանյութում։
Ռոբերտ Անանյան
